Bôlô i nséla i Bétel i yé nya ndi nya. I nit ñañ nlam ikété loñ yada tole jôga li biloñ. Bahogi ba nsal inyu kobol bikaat, pémés mimbamble, at ni tjam bikaat. Bape ba mpémés bikaat ba ñemble ni biliñgeliñge.

Juu li mimañ li ñéga bôlô i hikuu hi loñ. Juu li Bakena Ntôñ li ntep mimañ imaa tole iloo ha, inyu éga hikuu hi loñ. Hikuu hi loñ hi nti ñañga u mahol ni mandutu ba mboma i loñ yap. Ñañga u won u nhôla Juu li Bakena Ntôñ i tep mambe mam mimbamble ni makoda més makeñi ma ga pôdôl. Bakena ntôñ ba mbéna ep minhôôlak mi bilôk bikéé inyu yuuga hikuu hi loñ. Hala a nhôla hikuu hi loñ i kôs pék i sal bôlô yap loñge. (Bingéngén 11:14) I ngéda bakena ntôñ ba ñep mut inyu yuuga hikuu, a nti nkwel u tôbôtôbô inyu lédés lôktata yosôna.

Hikuu hi loñ hi nhôla makoda ma yé i loñ yap. Minhôôlak mi bilôk bikéé i hikuu hi loñ bi ntéé makoda ma mondo. Ba ñéga ki bôlô i basañal, i bagwélél ba makiiña ba ba nsal mu i loñ yap. Ba naña ki makoda makeñi, ba égaga maoñ ma Mandap ma Ane ma mondo. Ba ñep ki bikaat i makoda momasô ma loñ yap noñnaga ni ngôñ yap. I bôlô i yosôna i nséla i hikuu hi loñ, i yé ndig inyu boñ le nson ñañ nlam u bôña i nya i kôli.​—1 Korintô 14:33, 40.

• Lelaa hikuu hi loñ hi nit bakena ntôñ?

• Kii i mbôña i hikuu hi loñ?