Pô toundye Béthèl be wap ghe tchitchi tse tsye wap gre tchum faʼ ne sing tchoung pepoung tchum taʼ goung ke medou mgoung a le. Wap thoute mŋwaʼgne, thé ne mpipa, nyapte ne gre mbouʼ ŋwaʼgne, thé potse audio/vidéo.

É tchye m ne taʼ Tcham Béthèl dé mfaʼ. Pe Laʼte Jye be wap ghe ge taʼ Tcham Béthèl, be a ghe mghetso ba daʼ peta, be wap tchente kwye tchum jwègne, pe dé nwe ne baya tsuʼ ne dé mfaʼ tchum goung le. Tcham bô be goung mtam awè gôm bi Pe Laʼte Jye paʼ faʼ bo ne tchyete tchum mgoung mye wap dé a, ba mketuʼ mye a fing ne ŋwak a. Potse bô mye wap gôm a kwite Pe Laʼte Jye ne tchi potse tsye mŋwaʼgne, mtchouʼte bemte ba mtchouʼte gwye gô sôʼ ghôm nwe ne a. M mesidja Pe Laʼte Jye be goung mgouʼ awè gô dé mtsuʼ ne dé mfaʼ tchum mgoung, ne kwite mtcham Béthèl ne faʼ tsap. (Proverbes 11:14) Ne taʼ tchouʼte gwye ye pou gre tam bô a, mesidja Pe Laʼte Jye ha taʼ ghôm kaktuô bi Mkwithè tchum goung bô.

É tchu pou ne mfaʼ mbemte ne ye tsuʼ. Ne taʼ tsuʼ ne dé mfaʼ tchum goung, she mfe be si tsap faʼ pe ne ping ge pou tu taʼ bemte se. Mfe bô dé faʼ mŋaʼjye, faʼ pô pye pou them wap ge wap ghô sing ghôm Si tchum she mgoung a, ba faʼ mkhuʼ dé pye wap be tchum yap jeng tsuʼ a. Wap nyapte mtchouʼte gwye, be dyèʼ faʼ ne kwe Mdye Nefo neng be dé ge pou pe tchya mŋwaʼgne bi mbemte ne dogne mji map. Goung tse tsye pou gre ne taʼ tsuʼ ne dé mfaʼ tchum goung a kwite ge faʼ ne sing tchoung pepoung pe ging ne khè​—1 Korinto 14:33, 40.

• Mtcham Béthèl kwite Pe Laʼte Jye m tchi ge ke?

• Faʼ taʼ tsuʼ ne dé mfaʼ tchum goung be ke?