Nda bôte ya Béthel é bili mesu mésaé mevale meval. Nalé a volô na nkañetane mbamba foé ô wulu mvo’é. Ba kôñelan a kuli bekalate. Ba lôme bekalate bete mekônda. Ba kôme fe be CD audio a bevidéo.v

Nsamba bemvendé wo wulu ésaé. Tin Ékôan ébiene ja tobe bebé bemvendé belal asu na be nyoñe nlô ya ésaé ja bobane Béthel. Bemvendé bete ba kate Tin Ékôan aval avé ésaé ja wulu mesi mese ma wô’é a wofis ya Béthel. Mefoé mete ma volô Tin Ékôane na é yeme miñye’elane ba yiane bia ve bisulan, bitôkan nge ke bekalate bangan. Tin Ékôan é wô’ô lôme môte na a jome Béthel. Môt ate a zu volô be na be bo ésaé jab avale da yian. A wô’ô fe bo nkañete na a ve Bengaa ya si éte ngule nyul.

Ésaé ya su’u mekônda. Bobejañe béziñe ya wofis ya Béthel ba nyoñe ntyi’an éyoñe mimfefé mekônda mi ayiane tebe vôm éziñ. Bevok ba su’u ésaé bekpwa’a mefan, bemissionnaire a bejome mekônda. Ba kômesane bitôkan, ba nyoñe nlô ya nloñane mimfefé Meba m’Éjôé, a volô na bekalate be kui mekônda. Ésaé ése ja bobane wofis ya Béthel ja su’u nkañetane mbamba foé.​—1 Becorinthien 14:33, 40.

• Aval avé wofis ya Béthel wo su’u Tin ékôan?

• Mbe’e ôvé bemvendé ya wofis ya Béthel be be’e?