Tunndà Bétél ghù faʼ nzenze, nke ntomde faʼ nesoñ nkùn mebwô ntùm taʼ ngô ke ngô yàm lo. Bo kuʼni nefaʼ num nebagde ba ntshobe, num nefét mbèn ndat ba ñwaʼni boa nkam mbuʼ mi, nenabte ba netshañ, bo tsemoʼ tshu tsʼa tshwèt ndôde tañlaʼ là.

Taʼ kum tèdlaʼ mà Bétél num ntshagde faʼ. Tu Ntseʼde be ntshoʼ ghakwé mbwe tse bo ghù zenu kuaʼ mebwô là nguan tat ntôgde bo faʼ ntùm kum Tèdlaʼ num nelôde faʼ yen tañlaʼ là. Yen kum nà num mfà mbefaʼ Tu Ntseʼde num njoñ ba ngô fa a tshwèt ndôde là boa ngùtni tsʼa tèt yub là. Tshen mbefaʼ là num njwimde Tu Ntseʼde nelèn tshu tsʼa tshob ntùm ba ñwaʼni tsʼa kide là, ntùm ba ntseʼde, ngù ba mbumde ndùb. Tu Ntseʼde be ntshag benntùn bo seʼ njôg bontoʼ Tèdlaʼ mbèn mfà ba ntag kum Tèdlaʼ num neywimde yub nefaʼ sub faʼ mebwô. (Tànkùt 11:14) Ngelañ taʼ ntseʼde ndùb, mèn ze Tu Ntseʼde tshag là num mfà taʼ ntshob Tèdlaʼ neso kù num Ghakwénta ntùm yen tañlaʼ là.

Bo num ntomde njoñ ba ndà ntseʼde fa. Ntùm bontoʼ Tèdlaʼ, fètfèt bo num ndôde bag nàfaʼ là be mbam mbe bo te ba ndà ntseʼde nswe. Bo num ntshagde faʼ ba ngaʼnze, ba ngaʼnze tumlam ntùm ngô ghua, boa ntshaʼfaʼ bo num mfaʼ ntùm yen ntañ ngô là là. Bo num mbèn nabte mbumde ndùb, ntshagde faʼ nekut ba ndà ntseʼde Nufen, mbèn ndôde mbe ba nkide kum ba ndà ntseʼde, nekém yub num bag ywèle. Njoñ mfaʼ fa ntùm bontoʼ Tèdlaʼ là bʼa num neghù mbe faʼ nesoñ nkùn mebwô zin ntùm nka.​—1 Korintô 14:33, 40.

• Bontoʼ Tèdlaʼ nke njwimde Tu Ntseʼdʼà ndùke?

• Bontoʼ Tèdlaʼ nke mfaʼ à ke?