El cada miembro del familia Bethel ta sirvi na diferente maga departamento que ta suporta con el trabajo predicacion na uno o mas pa nacion. Translator el cuanto kanila mientras el los demas ta trabaja na imprenta del maga magasin, na warehouse del maga publicacion, ta hace audio y video o otro pa trabajo para na región.

Un Branch Committee el ta mira con el actividad. El Cuerpo Gobernante ya dale responsabilidad na tres o mas pa qualificao anciano quien ta forma con el Branch Committee para mira con el oficina del maga Testigo de Jehova. Este grupo pirmi ta informa con el Cuerpo Gobernante acerca el progreso del actividad na cada nacion que ta mira sila y si tiene maga problema. Ta ayudá se con el Cuerpo Gobernante para decidi si cosa maga tema debe discuti na maga publicacion, miting y na maga asemblea. Tiene representante el Cuerpo Gobernante quien ta visitá regularmente na maga oficina. Ta dale sila guia con el Branch Committee si paquemodo cumpli el diila responsabilidad. (Maga Proverbio 11:14) Durante el visita, tiene un especial programa ta hace que tiene discurso del representante de headquarters para anima con el maga hermano y hermana quien ta queda na teritorio del oficina.

Ta suporta con el maga congregacion. El maga iscujido hermano quien ta sirvi na oficina amo el quien ta aproba para formá nuevo congregacion. Ta dirigi sila con el trabajo del maga pioneer, misionario y circuit overseer quien ta sirvi na teritorio del oficina. Ta organiza tambien sila maga asemblea, construida del maga nuevo Kingdom Hall y ta asigura que ta llega el maga publicacion na maga congregacion. Todo maga trabajo que ta hace na oficina del maga Testigo de Jehova ta ayudá para puede cumpli enbuenamente el trabajo predicacion.—1 Corinto14:33, 40.

• Paquemodo el maga Branch Committee ta asisti con el Cuerpo Gobernante?

• Cosa maga trabajo ta hace na oficina del maga Testigo de Jehova?