Ram khat asiloah ram tam nawn i phungchimnak rian kha zohkhenh awkah bethel chungkhar nih rian a phunphun kha an ṭuan. Ca an leh, cauk an chuah, cauk kha cauk chiahnak inn ah an chiah, audio/video an chuah asiloah a dang rian an ṭuan.

Bethel Kawmiṭi nih rian kha an tlangtlak. Uktu Bu nih bethel zung i rianṭuannak pawl tlangtlak awkah Bethel Kawmiṭi kha rian an pek hna i cuka ah sining a tlinhmi Khrihfa upa pathum asiloah mahnak tam an i tel. Bethel Kawmiṭi nih an zohkhenhmi ram i rianṭuannak a ṭhanchonak kong le a chuakmi harnak kong kha Uktu Bu ah thawng an thanh hna. Mah nih Uktu Bu kha a rauhhlan ah chuah hngami cauk, pumhnak le civui ah zei kong dah chim le ṭial ah a ṭhat lai ti biakhiah khawh awkah a bawmh hna. Uktu Bu aiawhtu hna cu kum fatinte bethel ah thlah an si i Bethel Kawmiṭi pawl kha an rianṭuannak ah ruahnak an cheuh hna. (Phungthlukbia 11:14) Zungpi aiawhtu tlawn caan ah tuahmi special phungchimnak cu bethel a umnak hmun ah a ummi unau pawl thapeknak caah tuahmi a si.

Khrihfabu hna kha an bawmh hna. Bethel zung i rian a ngeimi unaupa pawl nih Khrihfabu thar dirhnak kha an hnatlakpi hna. Bethel a umnak hmun i rian a ṭuanmi hmaikal pawl, missionary pawl le peng zohkhenhtu pawl kha lam an hruai hna. Cun civui hna kha an timhtuah, Biakinn thar saknak kha an ruahceih, Khrihfabu kha an herhmi cauk kuatnak zongah an tlangtlak hna. Bethel i ṭuanmi rian vialte nih phungchimnak rian kha ningcang tein liim khawh awkah a bawmh.—1 Korin 14:33, 40.

• Bethel Kawmiṭi nih Uktu Bu kha zeitindah an bawmh?

• Bethel zung nih zei rian dah an tlangtlak?