Betɛlö ˈgümɛn ˗nu ˗wo wo ˗zokë ˗zlanwopö ˗yö ˈö ˈˈsɛ do ɛɛnˈˈ ˈˈsɛ ꞊va ˈgü, ˗a ˈˈpiʋ̈. ˗A mɛn ˈbha ˗nu ˗wo yö ˗kë ˗wodhiëëtadhɛ, ˈsëëdhɛ ˈˈgandhɛ, ˈsëëdhɛ ꞊nënŋ ˈˈkwëëdhɛ, ˈsëëdhɛ bɔdhɛ ɛɛnˈˈ video kë ˗dhɛ ˗nu ˈgü.

Betɛlö ˗bha ˈwɔnyëë ˗yö ˗zlanwopösü ˗gɔ ˈˈdhiʋ̈. Mɛn zii ˗yaaga, ɛɛnˈˈ ˈwo ˗ʒiö ˗mü, ˈö ˗wa ˗kian ˈnën ˈwo Betɛlö ˗bha ˈwɔnyëë ˈka. Yi ˈˈDhiʋ̈ʒiöwomɛn ˗wo Betɛlö ˈgüwɔn ˗nu ˈto ˗an ˗gɔ kö ˗wo wo ˗zokë, ˗an ˈˈpiʋ̈. ˗Zlanwopö ˗yö ˗dho ˈˈdhiʋ̈ ˗kɔ waa ˈwɔn ˈˈgbɩɩ˗ ˈˈpɛpɛ ˈwo bɔ ˗an ˈgü, Betɛlö ˗bha ˈwɔnyëë ˗ya ˗wɔn ꞊blɛɛ yi ˈˈDhiʋ̈ʒiöwomɛn ˗nu ˗dhɛ. ˗Wɔn ˈwo˗ ꞊blɛɛ bhë, ˗yö yi ˈˈDhiʋ̈ʒiöwomɛn ˗takun kö pë ˗nu ˈwo ˗dho ˗a ˗wɔn blɛɛ yi ˗bha ˈsëëdhɛ ˗nu ˈgü, ˗bhɔkwëë waa ˗bhɔkwëë ˈkpii˗ ˗nu ˗ta, ˗wo ˗an dɔ. Yi ˈˈDhiʋ̈ʒiowomɛn do ˈbha ˗yö nu ˗kwɛ ꞊gban ˈˈpɛpɛ ˈka kö ˗yö wo Betɛlö ˗dhɛ ˗nu ˈgü kö ˗yö Betɛlö ˗bha ˈwɔnyëë ˗takun kë ˈˈdhʋ̈ kö ˗a ˗kɔ ˗yö ꞊mɔɔn ˗a ˗bha yö ˗bha. (Proverbes 11:14) ˗Yö ˈˈdhɛɛtadhiaŋ˗ do ˗zë ˗bhɔkwëë ˗detasü do ˗ta kö ˗yö Zoova ˗bha ꞊Gbɛkiö ˈˈpɛpɛ ˈwo ˈˈsɛ bhë˗ ˈgü, ˗an ꞊faan ˈmën.

˗Yö ˈwo˗ ˗kë Betɛlö ˗yö ˗zlanwodhigümɛn ˗nu ˗takun. Betɛlö ˈgümɛn ˈbha ˗nu ˗wo ˗we ˗a ˗bha kö ˗zlanwokɔdhi ˗dɛɛ ˗yö ˈˈpʋ. ˗A mɛn ˈbha ˗nu ˗wo wo ˗zokë ˗yödhiʋ̈ ˗nu, bɔmɛn ˗nu, ˈˈpian do ˈˈpiʋ̈ ˗maankëmɛn ˗nu ˈwo ˗an ˗bha ˈˈsɛ ˈgü, ˗an ˗bha yö ˈˈpiʋ̈. ˗A mɛn ˈbha ˗nu ˗wo ˗bhɔkwëë ˈkpii˗ ˗nu ˗baa, ˈyö ˈwo wo ˗zokë ˗Bhɔkwëëkëgükɔ dɔsü ˗yö ˈˈpiʋ̈. ˗Wo pë ꞊gban ˗kë kö ˈsëëdhɛ ˗nu ˈö ˗zlanwokɔdhigümɛn ˗bhawɔn ˈdhö ˗an ˗bha, ˗wo ˗an ꞊slɔɔ. Yö ˈˈpɛpɛ ˈwo˗ kë Betɛlö ˈgü, ˗ya ˗kë ˈö ˗zlanwopösü ˗yö ˗kë ö ˗naan ˈka.—1 Kodhɛngtö 14:33, 40.

• Betɛlö ˗bha ˈwɔnyëë ˗yö kwa ˈˈDhiʋ̈ʒiöwomɛn ˗nu ˗takun ˗kɔ ˗kë ꞊dhɛ?

• ˗Mën ˈö Betɛlö ˗bha ˈwɔnyëë ˗ya ˗kë?