Nuiwari Betel tiwaɨkawametsíe mepɨtepareewie, matsi waɨkawa niuki muyukuxaatanikɨ xeime nutsɨ waɨkawa paisestsíe; hiipatɨ niuki yɨɨkɨ ʼaneneemekɨ meteʼutɨatɨ, metepareewietɨ xapate manayeneikatsíe, xapate ʼaixɨ metekuʼuutatɨ nutsɨ kwikari metá video mewewietɨ tsiere yɨɨkɨ tiʼaneneemetsíe.

Xewitɨ Comité pɨʼɨɨwiya sucursal kemɨtiyuriene. Yuútsi Kiekarieyatsíe Memanuyehaitɨtɨa pɨwaranuyewawa hiipame ʼuukitsi memɨyumaate meteʼakumaikame, sucursal memɨʼɨɨwiyanikɨ. Mɨkɨ yamepɨtewakuhɨawe kiekari memɨhɨritɨarietsíe mɨtiuyehane kemɨtiyɨatɨne, mɨpaɨ memɨteʼanuyewaunikɨ ketiʼaneneeme memɨteʼanayenetɨani xapatetsíe metá tita xeɨritsikatetsíe mɨtixeiyarieni. Yuútsi Kiekarieyatsíe Memanuyehaitɨtɨa waɨká mexɨa mepɨwarenɨʼawá yupareewiwamete sucursal meutiʼutɨkatsíe, memɨwapareewienikɨ ʼaixɨ matsi memɨteʼuʼuximayatanikɨ (Proverbios 11:14). Kepauka memɨwarutaʼiwatatsíe, xeime xatsikakɨ mepɨwakɨwaɨritɨwa keane muwa memɨtepareewie metá mana sucursaltsíe memɨtehawiyatɨká.

Xeɨritsikate pɨwapareewie. Sucursal pɨtikuyuruwa xɨka xeɨritsikate hehekwatɨ nexɨamɨkɨ. Tsiere mepɨwataʼɨɨwiya precursores, misioneros metá keane xeɨritsikate memanuʼiwatatɨkɨka. Mana paitɨ mepɨteʼanuyewawa kewa mewewiyani xeɨritsikate xei witaari ʼanukayeikakaku mutiweewiwa, kehepaɨ mɨtiwewiyani kí temuyukuxexeɨriwatsíe metá xapate manayeneika xeɨritsikate mepɨwarenɨʼairiwa. Naitɨ sucursal meutiʼutɨkatsíe kememɨtepareewie, mɨkɨ pɨtikuyuruwa hauʼerietɨ Yuútsi Niukíeya mɨkakuxaxaatsiwanikɨ (1 Corintios 14:33, 40).

• Comité sucursal memɨʼɨɨwiya, ¿kehepaɨ metewapareewie Yuútsi Kiekarieyatsíe Memanuyehaitɨtɨa?

• ¿Ketiutiyɨne sucursal meutiʼutɨkatsíe?