22-ساباق
فيليالدا قانداي جۇمىستار اتقارىلادى؟
بەتەل وتباسىنىڭ مۇشەلەرى ٵرتۇرلى بولىمدەردە قىزمەت ەتىپ، ۋاعىز ٸسىنىڭ ٴبىر نە بىرنەشە ەلدە جۇرگىزىلۋىنە قولداۋ كورسەتەدى. ولار اۋدارما توپتارىندا، باسپاحانادا، كىتاپ تۇپتەۋ بولىمىندە، ادەبيەتتەر قويماسىندا، دىبىس جازۋ نە بەينەفيلم ٴتۇسىرۋ بولىمىندە قىزمەت ەتەدى جانە اۋماقتىڭ باسقا دا قاجەتتىلىكتەرىن قامتاماسىز ەتەدى.
فيليال كوميتەتى ۋاعىز ىسىنە جەتەكشىلىك ەتەدى. باسقارۋشى كەڭەستىڭ تاپسىرۋى بويىنشا، فيليالدىڭ قىزمەتىن ٷش نە ودان دا كوپ تاجىريبەلى اقساقالدان تۇراتىن فيليال كوميتەتى قاداعالايدى. بۇل كوميتەت ٶزىنىڭ قاراماعىنداعى ەلدەردە ۋاعىز ٸسىنىڭ قالاي اتقارىلىپ جاتقانى جايلى باسقارۋشى كەڭەسكە ەسەپ بەرەدى جانە وسى ورايدا تۋىنداعان قيىندىقتاردى مالىمدەپ وتىرادى. وسىنىڭ ارقاسىندا باسقارۋشى كەڭەس ادەبيەتتەردە جانە قاۋىمدار مەن كونگرەستەردە قانداي تاقىرىپتاردى قوزعاۋ كەرەكتىگىن انىقتاي الادى. باسقارۋشى كەڭەس ٶزىنىڭ وكىلدەرىن فيليالداردى ارالاۋعا جىبەرىپ تۇرادى. ال ولار فيليال كوميتەتىنە جاۋاپكەرشىلىكتەرىن اتقارۋعا كومەكتەسەتىن نۇسقاۋلار بەرەدى (ناقىل سوزدەر 11:14). وكىل كەلەتىن اپتادا، جەرگىلىكتى فيليال ونىڭ ايتاتىن بايانداماسىن قوسا العاندا، بەتەل وتباسىن جىگەرلەندىرۋ ٷشىن ارنايى باعدارلاما ۇيىمداستىرادى.
ول جەردەن جەرگىلىكتى قاۋىمدارعا باسشىلىق بەرىلەدى. فيليالدا قىزمەت ەتەتىن جاۋاپتى ەر باۋىرلاستار جاڭا قاۋىمداردىڭ قۇرىلۋىن ماقۇلداپ، اقساقالدار مەن قىزمەت كومەكشىلەرىن تاعايىنداپ وتىرادى. سونداي-اق ولار فيليالدىڭ قاراماعىنداعى اۋماقتا قىزمەت ەتەتىن ٸزاشارلار، ميسسيونەرلەر مەن اۋداندىق باقىلاۋشىلاردىڭ قىزمەتتەرىنە جەتەكشىلىك ەتەدى. بۇعان قوسا، كونگرەستەردى ۇيىمداستىرادى جانە پاتشالىق سارايلارىن سوعۋ جۇمىستارى مەن ادەبيەتتەردىڭ قاۋىمدارعا جەتكىزىلۋىن قاداعالايدى. فيليالدا اتقارىلاتىن ٵربىر ٸس ۋاعىزداۋ قىزمەتىنىڭ ۇيىمداسقان تۇردە اتقارىلۋىنا سەپتىگىن تيگىزەدى (قورىنتتىقتارعا 1-حات 14:33، 40).
-
فيليال كوميتەتى باسقارۋشى كەڭەسكە قالاي قولداۋ كورسەتەدى؟
-
فيليالدا قانداي ماڭىزدى ىستەر اتقارىلادى؟