មេរៀនទី២២ តើការិយាល័យសាខាធ្វើកិច្ចការអ្វីខ្លះ? លេង តើការិយាល័យសាខាធ្វើកិច្ចការអ្វីខ្លះ? កោះសូឡូម៉ុង កាណាដា អាហ្វ្រិកខាងត្បូង សមាជិកក្រុមគ្រួសារបេតអែលបម្រើនៅក្នុងផ្នែកខុសៗគ្នា ដើម្បីមើលការខុសត្រូវកិច្ចការផ្សព្វផ្សាយក្នុងប្រទេសមួយឬប្រទេសមួយចំនួន។ ពួកគេប្រហែលជាបម្រើក្នុងក្រុមបកប្រែ បោះពុម្ពទស្សនាវដ្ដី ចងក្រងសៀវភៅ កន្លែងស្ដុកទុកសៀវភៅ ថតសំឡេងឬវីដេអូ ឬមើលការខុសត្រូវផ្សេងទៀតក្នុងតំបន់នោះ។ គណៈកម្មាធិការការិយាល័យសាខាជាអ្នកត្រួតពិនិត្យ។ គណៈអភិបាលតែងតាំងអ្នកចាស់ទុំបីនាក់ឬច្រើនជាង ដែលមានគុណសម្បត្ដិគ្រប់គ្រាន់និងមានបទពិសោធន៍ច្រើន ឲ្យធ្វើជាគណៈកម្មាធិការដើម្បីត្រួតពិនិត្យដំណើរការនៃការិយាល័យសាខានីមួយៗ។ គណៈកម្មាធិការនេះតែងតែរាយការណ៍ប្រាប់គណៈអភិបាលអំពីការរីកចម្រើននៃកិច្ចផ្សព្វផ្សាយក្នុងប្រទេសនីមួយៗដែលពួកគេមើលការខុសត្រូវ ហើយរាយការណ៍អំពីបញ្ហាផ្សេងៗដែលបានកើតឡើង។ ដោយមានសេចក្ដីរាយការណ៍ទាំងនេះ នោះជួយឲ្យគណៈអភិបាលសម្រេចចិត្ដអំពីប្រធានបទដែលគួរបញ្ចូលក្នុងសៀវភៅដែលនឹងចេញក្រោយមក ហើយក្នុងកម្មវិធីប្រជុំនិងសន្និបាត។ តំណាងគណៈអភិបាលបានត្រូវចាត់ឲ្យទៅធ្វើទស្សនៈកិច្ចតាមការិយាល័យសាខាជាទៀងទាត់ និងផ្ដល់ការណែនាំដល់គណៈកម្មាធិការការិយាល័យសាខាអំពីវិធីបំពេញភារកិច្ចរបស់ពួកគេ។ (សុភាសិត ១១:១៤) នៅពេលនោះមានរៀបចំកម្មវិធីពិសេសមួយ គឺតំណាងមន្ទីរចាត់ការនឹងថ្លែងសុន្ទរកថាដើម្បីលើកទឹកចិត្ដបងប្អូននៅក្នុងតំបន់ដែលការិយាល័យសាខានោះមើលការខុសត្រូវ។ ផ្ដល់ជំនួយដល់ក្រុមជំនុំក្នុងតំបន់នោះ។ បងប្អូនប្រុសៗដែលទទួលខុសត្រូវក្នុងការិយាល័យសាខាជាអ្នកសម្រេចចិត្ដក្នុងការបង្កើតក្រុមជំនុំថ្មី។ បងប្អូនទាំងនោះក៏ផ្ដល់ការណែនាំដល់ពួកអ្នកត្រួសត្រាយពេញពេល សាសនទូត និងអ្នកត្រួតពិនិត្យប្រចាំមណ្ឌលដែលស្ថិតនៅក្នុងតំបន់ដែលការិយាល័យសាខានោះមើលការខុសត្រូវ។ ពួកគាត់រៀបចំសន្និបាត មហាសន្និបាត កិច្ចការសាងសង់សាលប្រជុំថ្មី និងមើលការខុសត្រូវលើការដឹកជញ្ជូនសៀវភៅផ្សេងៗតាមតម្រូវការរបស់ក្រុមជំនុំនានា។ កិច្ចការទាំងអស់ដែលធ្វើនៅឯការិយាល័យសាខាគឺដើម្បីជួយឲ្យកិច្ចការផ្សព្វផ្សាយដំណើរការដោយរបៀបរៀបរយ។—កូរិនថូសទី១ ១៤:៣៣, ៤០ តើគណៈកម្មាធិការការិយាល័យសាខាជួយគណៈអភិបាលយ៉ាងដូចម្ដេច? តើការិយាល័យសាខាមើលការខុសត្រូវលើកិច្ចការអ្វីខ្លះ? ថយ បន្ទាប់ Print ចែក ចែក តើការិយាល័យសាខាធ្វើកិច្ចការអ្វីខ្លះ? នៅសព្វថ្ងៃនេះ តើអ្នកណាកំពុងធ្វើតាមបំណងប្រាថ្នារបស់ព្រះយេហូវ៉ា? តើការិយាល័យសាខារបស់សាក្សីព្រះយេហូវ៉ាធ្វើកិច្ចការអ្វីខ្លះ? ខ្មែរ តើការិយាល័យសាខារបស់សាក្សីព្រះយេហូវ៉ាធ្វើកិច្ចការអ្វីខ្លះ? https://assetsnffrgf-a.akamaihd.net/assets/ct/f62df3bf2a/images/syn_placeholder_sqr.png