Bampangi ba kanda dia Betele mu departema za mpila na mpila basarilaka zitadiatisa salu tsia samuna mu ntsi yimoshi peleko ntsi zazingi. Bakaka mu ekipe ya bangula mikanda bena, bakaka badukisaka mio mu mashini, bakaka bavukaka mio, bakaka batambikaka mio kô ku mifweti kwenda, bakaka badukisaka CD za wirikila na za video, peleko misamu miakaka mia tsizunga bakipaka.

Komite ya filiale yidiatisaka salu. Tsiyeko tsia twarisa salu tsia Biro ya filiale Tsimvuka tsitatwarisa kwe Komite ya filiale kahanaka tsio. Bakuluntu batomono zaba salu batatu peleko yoka batatu babaka mu Komite yo. Tsimvuka tsitatwarisa bazabikisaka kabwe salu tsitakwendela ku matu mu tsizunga tsibadiatisaka mpe kantsia m’samu batabwabana na mio. Ni tsio tsisarisaka Tsimvuka tsitatwarisa mu sola kantsia m’samu bazonzela mu mikanda miduka mpe ku tukutakanu twa fieti na twa tunene. Tsimvuka tsitatwarisa bimonikishi tsitambikaka ntangu zazansoni mu tala Biro za filiale mpe mu hana Komite za filiale malongi ngâtsi bazaba nata biyeko biawu. (Bingana 11:14) Mu ntangu tsimonikishi tsia Biro ya yinene mbo tsikwizaka, lukutakanu mpe lubaka kô, ku kahaninaka diskure mu tsindisa bampangi ba teritware ya filiale yo.

Bimvuka bahanaka lubakusu. Bampangi bababakaka bakaka be ku biro ya filiale bena na tsiyeko tsia tambula peleko kala ti tsimvuka tsiamona tsiazubuka. Bampangi bakaka salu tsia bapasuri-nzila, bamisiore na minkengi mia zungirila mio misarilaka ku teritware ya filiale yo bakipaka. Tukutakanu twa tunene bakubikaka, ntungulu za Nzo za Kimfumu zamona batwarisaka, mbo basaka kanso mio mifwanakane mu tambika mikanda kwe bimvuka mu lungisa nsatu za konso tsimvuka. Salu tsiatsiansoni tsisalamaka ku biro ya filiale mbo tsisaka ti salu tsia samuna tsiadiatila mu munlonga.​—1 Bisi-Korente 14:33, 40.

• Ntsia mpila Komite za filiale zibakishilaka Tsimvuka tsitatwarisa e?

• Tsia misamu biro za filiale zitarilaka e?