Kɔpiemia lɛ o Bɛtɛ, oo yɛɓo gbɛɛgbɛɛ kɛ. Oo o zo kɛ wɔ̃ laũ yie gee yɛɓoa pie sɛlɛ bunuzɛ yi. O do oo yɛɓo kɛ kii-la-niɛ-pia, waa ko kii ɛ̃ɛ̃ kii lɛɛ be nia pɛkɛ. Mia do bɛ̃ɛ̃ oo yɛɓo kɛ̀ ka lɛ ò ko pɛzɔ̃ɔpɔɔ vɔɔ kpaa wia wi, mia wuu sipia wa vilo pɛkɛ pia, ɛ̃ɛ̃ waa o zo kɛ wɔ̃ ye e toa pie sɛlɛ e kilia yi.

Mia Kpo lɛ o lɛgɛ̃ Bɛtɛ yɛɓo kɛɛ laa. Mia Diedie-vɔ Kpo Ɓeĩa oo zi laa mɔ yɛɓo e loa e lie Bɛtɛ, ya mia kpo lɛ o Bɛtɛ lagɛ̃ɛ̃ kɔla. Ɛɛ̃ mia o kilia, oo bɛi kɛɛ mia o diee lɛ yaaka yi lɛ mia diedie-vɔ lɛ bɛi lɛ o mɔɔ ka. Mia kpoa oo Mia Diedie-vɔ Kpo Ɓeĩa too fɔ̃ e gbɛ̃a zi lɛ yɛɓo lɛ lopia ka e lie ɛ̃ɛ̃ wɔ̃ lɛ lɛ kɛpia sɛlɛ lɛ lɛ o kɔ wia yia mɔ. Wɔ̃laũ ni o kilia, lɛɛ gbũ Mia Diedie-vɔ Kpo Ɓeĩa mɔ kɛɛ o o yɛlɛtaa e gbɛ̃a wɔ̃ ni lɛ laa mɔ ó da kɔa pɛzɔ̃ɔpɔɔ vɔ ye o lo o pɛkɛɛ kɔa pakiemɔ ɛ̃ɛ̃ a gbuozɛ ni wɛ̃ĩa mɔɔ dɔ. Mia Diedie-vɔ Kpo Ɓeĩa, oo mia vɔ kɛɛ seĩ yi kɛɛ o ɓɔlɔũkɛ Bɛtɛ deĩ le kɛɛ o zi zɔ̃ɔ̃ Mia Kpo Ɓeĩ lɛ ò Bɛtɛ lagɛ̃ɛ̃ lɛɛ wa yɛɓoa kɛɛ yi. (Pɔlɔvɛɛ 11:14, NW) Lɛɛ wɔ̃ kpanazɛ kpokpo ya e kie le e daá Baabo yi wɔ̃ geee ba kɛɛ e mia lɛ o sɛlɛ e kilia yia fãawaa.

Oo gbumɔ nɔ nukiela ni o sɛlɛ e kilia yia lɛɛ. Ko leege gɔ̃azɛ o kea o lɛ o wee nukiela dɛɛ gã gbɛ̃ wɔ̃ mɔɔ. Mia o kilia o lɛ o lie si paaniɛ, mia lɛ o o vɔ sɛlɛ la wɔ̃ laũ yie geee wɛ̃ĩ, e daá ko lagɛ̃-mia wa yɛɓo o kɛ sɛlɛ e kilia yia kaa. Oo Ɛsanmele wa kɔnvɛnsɔ̃ wɔ̃ ya e kie le. Zeniia, oo lie si Tomiala Ka dɛɛ ni dɔ wɔ̃ ka, e to waa kɛ pɛzɔ̃ɔpɔɔ ni lɛ o kpeĩ nukiela ni wɛ̃ĩa aa ɓɔ o mɔ. Wɔ̃ seĩ lɛ e kɛ Bɛtɛ, lɛɛ gbumɔ nɔ aa kɛ to yɛɓo lɛ a gbɛ̃ɛ̃ lɛ wɔ̃ laũ yie gee mɔɔ aa lo lie kpeĩ kpeĩ.​—1 Kɔleĩtĩa 14:33, 40.

• Zi kpɛɛ lɛ Mia Kpo Ɓeĩ lɛ ò Lɛgɛ̃ Bɛtɛ yɛɓo kɛɛ laa o gbumɔ nɔa Mia Diedie-vɔ Kpo Ɓeĩa lɛɛ?

• Yɛɓo kpɛɛ lɛ o o yɛlɛ kɛa pie Bɛtɛ?