Кажне Вефиль ик але икмыняр эллан вуйын шога. Вефильыште чыла служышо-влак таныклыме паша верч тыршат да тидлан тӱрлӧ пӧлкаште пашам ыштат. Нуно литературым кусарат, журналым печатлат, книгам комлат, литератур складыште ыштат, аудио да видео публикацийым луктыт да моло кӱлешан пашам шуктат.

Чыла пашам филиалын комитетше эскера. Филиалыште ыштыме пашам филиалын комитетше виктара. Тиде комитетыш опытан кугурак иза-влак пурат. Нуно кумытын але утларак лийын кертыт. Тиде рольым шукташ нуным Вуйлатыше совет шогалтен. Филиалын комитетше Вуйлатыше советлан увертара, кузе тудын территорийыштыже Кугыжанышын пашаже шарла да могай нелылык дене тушто тӱкнат. Тиде информаций Вуйлатыше советлан умылаш полша, могай темым публикацийлаште, погынымашыште да конгрессын программыштыже лончылаш кӱлеш. Вуйлатыше совет филиаллашке шке еҥжым колтеда. Тыгай иза, филиалыш толын, комитетыште служышо иза-влаклан каҥашым пуа. Тыгай каҥаш иза-влаклан шке пашаштым сайрак шукташ полша (Притчи 11:14). Филиалын территорийыштыже илыше-влаклан тиде жапыште посна вашлиймаш эртаралтеш. Ты вашлиймаш годым тӱҥ виктемын еҥже ойлымаш дене лектеш.

Филиал верысе погынымаш-влак верч тырша. Филиалыште служышо иза-влак у погынымашым чумырымо нерген пунчалым луктыт. Нунак филиалын кундемыштыже служитлыше пионер, миссионер да районым эскерыше иза-влакын пашаштым келыштарат. Эше нуно конгресс ямдылымым виктарат, Вашлиймаш зал-влакым чоҥымым да погынымашлашке литературым колтедылмым эскерен шогат. Иза-влакын филиалыште ыштыме пашашт моло иза-ака-влаклан поро уверым шот дене шаркалаш полша (1 Коринфян-влаклан 14:33, 40).

• Уло филиалын комитетышт Вуйлатыше советлан кузе полшат?

• Филиал-влак могай пашалан вуйын шогат?