Pʉa pié ée tsèe tsiŋé nda Bétèl tchou’té mékwo ta ngiôôn ngouôg méfa’, lé lôg ntoonté fa’ léchouŋo no Ssé tsaa ta’ la’ ka méla’ ta ngiôôn wô. Mèe méfa’ lié no na: lékiagté méŋwa’né, lékuilé na pipa mboo lé lôg ngʉo méliivre, létououm méŋwa’né tsèe métchou’té, lékuilé mé odio paa mévidéo . . .

Bétèl tchʉaté na Komité Filial, ntangté méfa’ még. Létsiŋé lôg Ntségé Tchou’té tʉôgô tsoo manzong mélhié ménta ka ntôg pou’ou wô, pié pô tʉté na no Ssé tè’, ngié pô tsiéen Bétèl. Waa komité néŋé choung Létsiŋé lôg Ntségé Tchou’té pa’ no Ssé né ngée mvfo pou’ou tsèe wèe wèe ngoung wô wuié pô né ndié, mboo méngégé mié ée wo. Ayèe kuiété Létsiŋé lôg Ntségé Tchou’té lé tsô’ métwo chouŋo mié ngouô pô gʉo néŋé tsaa méŋwa’né, laa mié ngouô mé gʉo nzi’i na métchou’té, mboo na mémaa métchou’té. Létsiŋé lôg Ntségé Tchou’té néŋé ntoum tsô méfè, ngié pô gʉa ngouaté méfilial na yé two, mbing nkuiété Komité Filial lé fa’a fa’ yé mboŋo. (Provèebe 11:14) Aa na tso tchou’té yié a tchouŋé tchouŋé, gning wuié a too na lézing Létsiŋé Tchou’té naa tso two chouŋé ndôg nkuingté pʉa pié é tsuié tsèe méla’ mié yèe filial lié no naa moo.

Bétèl toonté métchou’té mié ée tsaa la’ ka méla’ mié a lié no naa moo wôô. Aa tsèe ta’ Bétèl, mé tsô’ méfè pié é gé zuing ngié mé tʉôg métchou’té mé suié, ndié no na fa’ pakiagnzsé, yé mémisionèe mboo yé mé itinérant. Pô ying ntangté mémaa métchou’té, ntsiéen fa’ lé kouè ménda tchou’té, mbing nging ngʉo pa’ méŋwa’né gé gʉa ta kouou tsaa métchou’té luiŋé nzag yié ée wo. Choum ntsém sié mé gʉo tsèe filial kuiété pa’ mé gé chouŋo no Ssé mboŋo, ta kôôkôô yiŋé na nkang.—1 Korénto 14:33, 40.

• Komité filial toonté Létsiŋé lôg Ntségé Tchou’té lékô?

• Aa tsaa ta’ Bétèl mé fa’ mèe méfa’?