Béthelgi dabighanígíí ląʼí ałʼąą ndaʼanishgi ndaalʼaʼ, daa kéyahgóó nahaneʼ biʼoonishígíí yaa ádahalyą́. Łaʼ ataʼhaneʼ yideiyílníísh, naaltsoos béédaʼalneʼ, naaltsoos wóltaʼ ahiih heʼnííł, dóó naaltsoos bá hooghangóó ndaalʼaʼ. Áádóó iinééʼ doodaiiʼ naʼalkid yikʼindayiinííł, doodaiiʼ ákweʼé nááná łaʼ baa áhodooyąąłígíí yaa ádahalyą́.

Bitsʼádaʼoozʼaʼgi Yá Dah Naháaztánígíí daʼíníshígíí yikʼidadéezʼı̨́ı̨́ʼ. Tʼáá ałtso bitsʼádaʼoozʼaʼgóó daʼíníshígi éí Yá Dah Naháaztánígíí deiyíłyeed. Hastóí Alą́ąjįʼ Daʼéeʼéshígíí éí tááʼ dóó baʼaango hastóí oodlání yá naazíinii yídaneelʼánígíí naanish yaa deidiyiiʼaah. Áko daa kéyahgóó daʼíníshígíí dóó bichʼįʼ anáhóótʼiʼ haleehgo, díí dah naháaztánígíí éí Hastóí Alą́ąjįʼ Daʼéeʼéshígíí’ yił ííshjání ádeeleʼ. Díí bił ííshjání ádaalneʼígíí Hastóí Alą́ąjįʼ Daʼéeʼéshígíí bíká análwoʼ. Áádóó éí binahjįʼ naaltsoos anáádoolníłígíí dóó tʼáá ałtso áłah nídaʼadleehgi baa nínááhódóotʼįįłígíí hazhóʼó yaa ntsídaakees łeh. Hastóí Alą́ąjįʼ Daʼéeʼéshígíí éí hastóí łaʼ bá naagháhígíí tʼáá ahą́ą́h Bitsʼádaʼoozʼaʼgóó adayiiłʼaah, éí Dah Naháaztánígíí bindaanishígíí yee yíká inídaalwoʼ. (Proverbs 11:14) Díí hastóí bá naagháhígíí, ákweʼé dabighanígíí chánah íidoolííł biniyé áłah náʼáłeehgo yichʼįʼ hanádzih.

Áłah nídaʼadleehgi yíká análwoʼ. Bitsʼádaʼoozʼaʼgi hastóí deiyílníshígíí áłah nídaʼadleehígíí łaʼ ániidgo ánáádadoolnííłígíí yee lą́ nidaʼiiłeeh. Áádóó díí Bitsʼádaʼoozʼaʼgi hastóí deiyílníshígíí éí alą́ąjįʼ ndahalneʼígíí, ndahalneʼii náánáłah kéyahgóó adabiʼdilʼaʼígíí, dóó circuit overseers bindaanish yikʼidadéezʼı̨́ı̨́ʼ. Nitsaago áłah nídaʼoodleełgóó hazhóʼó yilwoł doogo dóó Kingdom Hall ániidígíí ádadoolnííł biniyé yá nidahaʼá. Áádóó diyin kʼehgo naaltsoos ádaalyaaígíí áłah nídaʼoodleełgóó bichʼįʼ ádaalʼínígi yikʼidadéezʼı̨́ı̨́ʼ. Bitsʼádaʼoozʼaʼgi tʼááʼałtso bidaʼíníshígíí hashtʼehodítʼéego nahaneʼ biʼoonishígíí łaʼ yilʼı̨́.​—1 Corinthians 14:33, 40.

• Haash yitʼéego Bitsʼádaʼoozʼaʼgóó Dah Ndaháaztánígíí éí Hastóí Alą́ąjįʼ Daʼéeʼéshígíí yíkáʼanídaalwoʼ?

• Bitsʼádaʼoozʼaʼgóó daʼíníshígíí haʼátʼíísh baa ádahayą́?