Abambumba ya Beteli bobomba imbombo syabo m’madipatimenti ghakukindanakindana. Abene botula pambombo yakufumusya nkisu kimo pamo mfisu ifingi. Utubalilo tumo bobomba pampene na aba bosanusya amabuku, ukupulinta amagazini, upanga amabuku, muno bosungila amabuku, kuno bopangila ifyakupilikisya namavidiyo, nukupasikisya pambombo isingi isi sikulondiwa.

Ikomiti ya pa Ofesi yo yiketesya imbombo syosa. Akabughatila kakulongosya kabapele amaka abakomiti ya pa ofesi yiliyosa, aba bamo boyapo batatu pamo ukinda. Abakulumba aba basubiliwa kangi balwitiko. Ikomiti iyi yutuma amalipoti ku Kabughatila Kakulongosya muno imbombo yikwendela nkisu kyabo, nindamyo isi bakwaghana nasyo. Amalipoti agha ghotula ukuti Akabughatila Kakulongosya kinoghonelepo inkhani isi sibaghile ulembiwa m’mabuku nutendekesya inkhani sya pangomano. Abakwimila Akabughatila Kakulongosya botumiwa ukwendela amaofesi ghitu ukuti bakete muno ifindu fikwendela, nukuti babatule muno babaghile ubombela imbombo yabo. (Isya Mbupingamu 11:14) Linga abakwimila Akabughatila Kakulongosya bafikile ku maofesi ghitu, ulukomano lutendekesiwa. Ulukomano ulu lukuya lwakuti batukasye twesa.

Botula ifipanga. Abakamu bitu ba pa ofesi abakubikiwa aba, bakwitikisya upangiwa kwa fipanga ifipya. Abakamu aba, bolongosya pambombo ya bapayiniya, bamishonale na bakwendela amadela aba bali pasi pa ofesi ya beteli. Botendekesya ingomano, ukuyengiwa kwa Nyumba sya Bunyafyale nukuketesya ukuti ifipanga fikwambilila amabuku agha gholondiwa. Fyosa ifi fibombiwa pa ofesi ya Beteli fikutula pambombo ya kufumusya.—1 Bakorinti 14:33, 40.

• Ngimba Ikomiti ya Ofesi yitula bulebule Akabughatila Kakulongosya?

• Ngimba mbombonki isi sikubombiwa pa ofesi ya beteli?