Selli in Bethel shaffa in feel diffandi departments. Si gevva acht uf sacha fa di ministry fa ay adda may countries. Si helfa mitt trenslayshin, prinda magazines, shaffa vo si bichah macha, si macha es publications uf hand sinn fa shibba zu congregations, si helfa videos macha, adda helfa mitt anri sacha.

En Branch Committee dutt sacha ivvah-sayna. Alli branch office hott en Branch Committee fa sacha ivvah-sayna. Si is ufgmacht funn drei adda may elders es qualified sinn es assigned voahra bei di Drubb es Foahgayt. Di committee lost di Drubb es Foahgayt vissa funn awl di goodi sacha es am haebna sinn in alli area, un funn ennichi problems es ufkumma mechta. Sell helft di Drubb es Foahgayt diseiyda vass fa in di publications du, un vass fa havva an di fasamlinga un assemblies. Di Drubb es Foahgayt dutt reklah breedah naus shikka zu awl di diffandi branches fa direction gevva zu di committees. (Shpricha 11:14) En speshelah program is zammah gedu mitt en talk es gevva vatt bei ayns funn dee breedah fa encouragement gevva zu awl di breedah un shveshtra es unnich selli branch voona.

Si helfa di congregations in selli area. Di branch office gebt approval fa neiyi congregations macha. Si gevva aw direction zu di peiyneers, missionaries, un circuit overseers es in selli area sinn. Si plenna assemblies un conventions. Si greeya alles organized vann si neiyi Fasamling Bletz uf doon. Si macha es awl congregations di publications greeya es si braucha. Alles es gedu vatt an di branch office helft di ministry gedu vadda inna vayk es organized is.​—1 Korinther 14:33, 40.

• Vi doon Branch Committees di Drubb es Foahgayt helfa?

• Vass vatt gedu an en branch office?