Betelmanta cajcuna ashca layas oficinaspi llamcancu, chayna suj o astaan paisespi predicaciunta apoyancu; llamcancu traducis, imprimis, encuadernas, huackaichas publicaciunesta, ’ruas audiusta y vidiusta y astaan sujcuna imastista.

Suj grupu Jehóvap testigusninmanta sucursalesta supervisancu. Grupu Supervisajcuna sucursalesta diriginancúpaj, suj grupu quimsa o astaan huauckes capacitasckas alli capacitasckasta sackencu. Paycuna huillancu túcuy ’ruacusckanta regiunninpi y problemasmanta ima sucedencu, chayna decidiyta atincu ima temas ámoj publicaciunpi tratácoj ’rin, tantacunaspipas y atun tantacunaspi. Grupu Supervisajcuna sapa tiempu representantesta cachan yanapanancúpaj picunasta Betelpi siruishcancu, llamcaynincuan allít cumplinancúpaj (Proverbios 11:14). Chá visitapi suj tantacuna especial ’ruacun, maypi representante Betel Estados Unidosmanta suj discursu ckon, animapucúypaj picunastas causancu territoriupi sucursalmanta.

Congregaciunesta yanapát ckocun. Sucursalpi mósoj congregaciunesta aprobancu. Llámcay precursorespa, misioneruspa y huauckes visitajcuna congregaciunesta dirigincu territoriupi sucursalmanta. Atun tantacunas preparacun, Huasis tantacunasmanta ’ruáypaj organisacun y congregaciunesman publicacionesta cachacun. Túcuy ’ruacusckanta sucursalespi yanapan predicaciunta alli ’ruacunánpaj (1 Corintios 14:33, 40).

• ¿Imaina picunas sucursalespi siruishcancu Grupu Supervisajcunát yanapancu?

• ¿Ima llámcay ’ruacun sucursalespi?