Betel wasipi yanapakuqkunaqa achka ruraykunapim llamkanku huk nacionpi otaq achka nacionkunapi predicakunanpaq. Llamkankum qellqakuna tikraypi, qellqakuna lloqsinanpaq tukuy ima ruraypi, maymi waqaychanankupaq sitioman apaypi otaq uyarinapaq chaynataq qawanapaq kaqkunata grabaypipas.

Betel wasimanta encargakuqkunam cuentallikunku. Diospa Llaqtanpi Punta Apaqkunam kamachin allin yuyayniyoq 3 ancianokunata otaq mastapas Betel wasimanta cuentallikunankupaq. Paykunam willanku cuentallikusqanku lawpi predicasqanku imayna kasqanmanta chaynataq ima sasachakuykuna kasqanmantapas, chayman hinam Diospa Llaqtanpi Punta Apaqkunaqa tanteanku qellqakunapi, huñunakuykunapi hinaspa asambleakunapi imamanta yachachinankupaq. Yaqa sapa watam Diospa Llaqtanpi Punta Apaqkuna rantinkupi kachamunku Betel wasipi cuentallikuqkunata yanapanankupaq, chaynapi rurayninkuta allinta ruranankupaq (Proverbios 11:14). Hatun huñunakuytaqmi kan pay hamuptinqa, chaypim Diosmanta yachachispan iñiqmasiykuta kallpanchan.

Congregacionkunatam yanapanku. Betel wasipim mosoq congregacionkuna kananpaq tanteanku. Paykunataqmi qawanku precursorkunapa, misionerokunapa, congregacionkunata watukuq ancianokunapa rurasqankutapas. Tanteankutaqmi asambleakuna kananpaq, Huñunakuna Salonta ruranankupaq hinaspa congregacionkunaman qellqakunata apachinankupaqpas. Betel wasipi imapas rurasqankuqa ordenninpi predicanapaqmi yanapan (1 Corintios 14:33, 40).

• ¿Imaynatam Betel wasipi cuentallikuqkuna Diospa Llaqtanpi Punta Apaqkunata yanapan?

• ¿Imakunatam ruranku Betel wasipi?