Ababeseri bakora emirimo ey’enyahukana kusagika omulimo ogw’okutebeza omu nsi emu rundi ezirukuhinguraho. Bakora emirimo nk’okuhindura ebitabu, okuteera ebitabu na magaziini, okuhereza ebitabu omu bitebe, okuturukya entambi z’amaraka na vidiyo, n’emirimo endi nyingi.

Akatebe k’itaagi niko karolerra emirimo. Akatebe akalemi kaheriize akatebe ak’itaagi akabaho abagurusi basatu n’okukiraho abatendekerwe kurungi obujunanizibwa obw’okurolerra ofiisi z’amataagi. Buli katebe k’itaagi kamanyisa akatebe akalemi ha nkurakurana ehikirweho omu kicweka kyaabu, hamu n’ebizibu ebibasanga. Alipoota ezo ezihebwayo kuruga omu mataagi agatali gamu zikonyera akatebe akalemi kumanya bintu ki ebiina kuhandiikwaho omu bitabu rundi kuteekwa ha puroguramu z’enso’rokano zaitu. Buli hanyuma y’akasumi, ab’oruganda basindikwa akatebe akalemi kubungira ofiisi z’amataagi, n’okuha ab’oruganda abali ha katebe k’itaagi amagezi ag’okubakonyera kukora emirimo yaabu kurungi. (Enfumo 11:14) Entekaniza ey’embaganiza ekorwa, nambere ow’oruganda owatumirwe akatebe akalemi aheereza orubazo orw’okugarramu ab’oruganda amaani, abali omu kicweka ekiri hansi ya ofiisi y’itaagi eryo.

Ofiisi y’itagi niyo erolerra emirimo y’ebitebe. Ab’oruganda ha katebe k’itaagi abahairwe obujunanizibwa bacwamu ha bitebe ebihyaka ebiina kutandiikibwaho. Kandi basindika bapayoniya, abaminsani, n’abarolerezi b’ebicweka ababungira ebitebe omu bicweka ebiri hansi y’itaagi eryo. Batekaniza enso’rokano enkooto, okwombekwa kwa Ebyombeko by’Obukama ebihyaka, n’okuhikya ebitabu hali ebitebe. Buli kimu ekikorwa hansi y’itaagi kirugirraho okuhikirizibwa kw’omulimo gw’okutebeza.—1 Abakolinso 14:33, 40.

• Obutebe bw’amataagi bukonyera buta akatebe akalemi?

• Ofiisi y’itaagi eba na bujunanizibwa ki?