Ua rau te ohipa a te mau mero o te utuafare o te Betela, tei taaihia i te pororaa i te hoê fenua aore ra hau atu. Te vai ra te huriraa, te neneiraa i te mau vea, te hamaniraa i te mau buka, te vahi haapueraa papai, te haruharuraa e te taviriraa i te hohoˈa, e te vai ra ˈtu â.

E tiaau te hoê tomite amaa i te ohipa. Ua faataa te Tino aratai e na te hoê tomite amaa e toru matahiapo aravihi aore ra hau atu e haapao i te hoê amaa. E faaite noa iho â te tomite i te Tino aratai i te tereraa o te ohipa i te fenua ta ratou e haapao ra e i te mau fifi atoa. Maoti te reira e faaoti ai te Tino aratai eaha te mau tumu parau e hiˈopoa i roto i te mau mea i piahia, e e vauvau i te mau putuputuraa e tairururaa. E tonohia te tahi mau tia o te Tino aratai. E tere ratou na te mau amaa no te horoa i te aratairaa i te mau tomite amaa no te amo i ta ratou mau hopoia. (Maseli 11:14) E faanahohia te hoê porotarama taa ê, oia atoa te hoê oreroraa parau ta te tia o te pu rahi e horoa no te faaitoito i te feia o te tuhaa fenua a te amaa.

E turu i te mau amuiraa. Na te tahi mau matahiapo e hopoia ta ratou i te amaa e faatia i te haamauraa o te mau amuiraa apî. E faataa atoa i te ohipa a te mau pionie, mitionare e tiaau haaati o te tuhaa fenua a te amaa. E faanaho atoa ratou i te mau tairururaa, e tiaau i te paturaa o te mau Piha a te Basileia apî e e haapao i te haponoraa i te mau papai i te mau amuiraa. Maoti te mau ohipa atoa e ravehia ra i te hoê amaa e tere maitai ai te pororaa.—Korinetia 1, 14:33, 40.

• E nafea te mau tomite amaa e turu ai i te Tino aratai?

• Eaha te ohipa a te tahi mau matahiapo e hopoia ta ratou i te amaa?