باب 22
برانچ کے دفتروں میں کیا کِیا جاتا ہے؟
بیتایل کو برانچ کا دفتر بھی کہا جاتا ہے۔ ہمارے برانچ کے دفتر مختلف ملکوں میں ہیں۔ اِن دفتروں سے ایک یا اِس سے زیادہ ملکوں میں مُنادی کے کام کی نگرانی کی جاتی ہے۔ اِن میں ترجمہ کِیا جاتا ہے، چھپائی کا کام کِیا جاتا ہے، کتابیں اور رسالے کلیسیاؤں کو بھیجے جاتے ہیں، سیڈی اور ڈیویڈی بنائی جاتی ہیں یا پھر اَور طریقوں سے مُنادی کے کام کو فروغ دیا جاتا ہے۔
برانچ کے علاقے کی نگرانی کی جاتی ہے۔ گورننگ باڈی برانچ کے دفتر میں ہونے والے کام کی نگرانی کے لئے برانچ کی کمیٹی مقرر کرتی ہے۔ برانچ کی کمیٹی تین یا اِس سے زیادہ تجربہکار بزرگوں پر مشتمل ہوتی ہے۔ یہ کمیٹی گورننگ باڈی کو رپورٹ دیتی ہے کہ برانچ کے علاقے میں مُنادی کے کام میں کتنی ترقی ہو رہی ہے اور بہنبھائیوں کو کن مسئلوں کا سامنا ہے۔ ایسی رپورٹوں کی بِنا پر گورننگ باڈی فیصلہ کرتی ہے کہ ہماری کتابوں اور رسالوں میں یا اجلاسوں اور اجتماعوں پر کن موضوعات پر بات کی جائے گی۔ گورننگ باڈی کچھ بھائیوں کو بھی بھیجتی ہے جو برانچ کے دفتروں کا دورہ کرتے ہیں اور برانچ کی کمیٹیوں کو ہدایات دیتے ہیں۔ (امثال 11:14) اِس موقعے پر ایک خاص پروگرام بھی منعقد کِیا جاتا ہے جس میں برانچ کا دورہ کرنے والا بھائی تقریر پیش کرتا ہے۔ اِس پروگرام کے ذریعے برانچ کے علاقے میں رہنے والے بہنبھائیوں کی بڑی حوصلہافزائی ہوتی ہے۔
کلیسیاؤں میں ہونے والے کام کی نگرانی کی جاتی ہے۔ برانچ کے دفتر میں کچھ ایسے بھائی ہیں جو نئی کلیسیائیں قائم کرنے کی درخواستیں منظور کرتے ہیں۔ کچھ بھائی برانچ کے علاقے میں پہلکاروں، مشنریوں اور حلقے کے نگہبانوں کے کام کی نگرانی کرتے ہیں۔ دوسرے بھائی اجتماعوں کا بندوبست کرتے ہیں، نئی عبادتگاہوں کی تعمیر کا اِنتظام کرتے ہیں اور اِس بات کا خیال رکھتے ہیں کہ کلیسیاؤں کو ضرورت کے مطابق کتابیں اور رسالے پہنچائے جائیں۔ برانچ کے دفتروں میں جو بھی کام کِیا جاتا ہے، اِس کا مقصد یہ ہے کہ برانچ کے علاقے میں مُنادی کا کام منظم طریقے سے انجام دیا جائے۔—1-کرنتھیوں 14:33، 40۔
-
برانچ کی کمیٹیاں گورننگ باڈی کی مدد کیسے کرتی ہیں؟
-
برانچ کے دفتر میں کونکون سے کام انجام دئے جاتے ہیں؟