Le sukuʼunoʼob yanoʼob Beteloʼ jejeláas meyajoʼob ku beetkoʼob utiaʼal u yáantajoʼob teʼ kʼaʼaytaj ku beetaʼal tiʼ junpʼéel luʼum wa tak tiʼ jejeláas luʼumiloʼoboʼ; ku yáantajoʼob ikil u sutkoʼob tiʼ uláakʼ idioma le jóoʼsaʼaniloʼoboʼ, ku imprimirkoʼob, ku beetkoʼob libroʼob, ku tsʼapikoʼob, ku grabarkoʼob jóoʼsaʼaniloʼob utiaʼal uʼuybil yéetel utiaʼal chaʼantbil, lelaʼ chéen jujunpʼéel tiʼ le baʼaxoʼob ku beetkoʼoboʼ.

Junpʼéel Comité nuʼuktik le meyaj ku beetaʼaloʼ. Le Cuerpo Gobernanteoʼ u tsʼaamaj comiteʼob nuʼuktik u najiloʼob Betel, yaan kʼiineʼ óoxtúul wa maas ancianoʼob yanoʼob ichil junpʼéel comité. Letiʼob aʼalik tiʼ le Cuerpo Gobernante bix u bin le meyaj teʼ luʼum tuʼux yanoʼoboʼ yéetel baʼax talamiloʼob jeʼel u yantaleʼ, lelaʼ ku yáantaj utiaʼal ka u yil le Cuerpo Gobernante baʼax kun kaʼansbil teʼ jóoʼsaʼaniloʼoboʼ, teʼ muchʼtáambaloʼob yéetel teʼ asambleaʼoboʼ. Cada wa baʼax kʼiineʼ, le Cuerpo Gobernanteoʼ ku túuxtik sukuʼunoʼob u xíimbaltoʼob u najil Betel utiaʼal ka u yiloʼob bix yanil yéetel utiaʼal u yaʼalikoʼob tiʼ le Comité bix jeʼel u maas maʼalobtal u meyajoʼobeʼ (Proverbios 11:14). Teʼ kʼiinoʼob táan u xíimbaltaʼal u najil Beteloʼ, ku beetaʼal junpʼéel nojoch asamblea, le sukuʼun xíimbaltik u najil Beteloʼ ku máansik junpʼéel tsoltʼaan utiaʼal u líiʼsik u yóol le sukuʼunoʼob kajakbaloʼob tuʼux yaan junpʼéel u najil Beteloʼ.

Ku yáantik le múuchʼuliloʼoboʼ. U najil Betel aʼalik wa jeʼel u páajtal u beetaʼal junpʼéel túumben múuchʼulileʼ. Letiʼ xan nuʼuktik le meyaj ku beetik le precursoroʼoboʼ, le misioneroʼoboʼ yéetel le superintendenteʼob tiʼ circuito teʼ luʼum tuʼux yanoʼ. Ku nuʼuktik xan tuʼux kun beetbil asambleaʼob, ku yilik ka beetaʼak u Najiloʼob Reino yéetel ku túuxtik jóoʼsaʼaniloʼob tiʼ le múuchʼuliloʼoboʼ. Tuláakal le baʼax ku beetaʼal tiʼ junpʼéel u najil Beteloʼ ku yáantaj utiaʼal ka múuchʼ kʼaʼaytaʼak le maʼalob péektsiloʼ (1 Corintoiloʼob 14:33, 40).

• ¿Bix u yáantaʼal le Cuerpo Gobernante tumen le comiteʼob nuʼuktik u najiloʼob Beteloʼ?

• ¿Baʼax meyajiloʼob ku beetaʼal tu najil Betel?