Herman ni noʼ Betel ronyibu dxiin xidal lagary lainyca Betel par racnéyibu dxiin ni cayac lainy toib gudx o más gudx par gann buñ xí ná Dios; tipnésyibu rony dxiin ro rac traducir, ronoʼ máquina ni rasaʼ revista, stipnésyibu rony dxiin ronoʼ máquina ni racaʼ guiichlaidy guirá libro, o racuatzayibu guirá guiich ni cayaʼ o ronyibu grabación, né stipnés dxiin ni noʼ.

Toib grupo de ancianos ni ran xí dxiin rac Betel. Tidxo Buñ ni nap xiroʼ Galnann ni Rasanir raduidy dxiin a grupo de ancianos par gann xí dxiin rac Betel né nacyibu tzón o más ancianos ni nap xiroʼ galnann. Ancianos reʼ rabíyibu ximod cayac dxiin ronoʼyibu né galnagan ni labúu tzó, ndeʼ racné par guiduidyibu cuent xí tema guitné guiich ni racaʼno, o xí guisuidyno ló reunión o ló samblia. Rioʼ ór, Tidxo Buñ ni nap xiroʼ Galnann ni Rasanir raxelyibu ancianos par guibí xí dxiin cayac lagary ronoʼ Betel, né par gacnébu grupo de ancianos ni ran xí dxiin rac Betel ximod gonyibu xchiinyibu más galán (Proverbios 11:14). Órni hermanos reʼ radxiin Betel rioʼ toib reunión, né ragoʼbu discurs ro racnébu a guirá herman ni rabés gahxca lagarycu.

Desde lagary reʼ racnéyibu congregación. Betel rasaguel que tzó más congregación né rabí ximod sée dxiin ni racaʼ herman. Láaca rabíyibu ximod sée ni raxal néz, misioneros né superintendentes de circuito ni noʼ lagarycu. Lagary reʼ rabíyibu pu tzó samblia, pu lagary tzaʼ Lagary ro radopdo né láaca raxelyibu libros né stipnés guiich par guicá herman. Guirá dxiin ni rac lagary reʼ racnéni guinido xtiitz Dios par gonydo láani galán (1 Corintios 14:33, 40).

• ¿Ximod racné grupo de ancianos ni ran xí dxiin rac Betel a Tidxo Buñ ni nap xiroʼ Galnann ni Rasanir?

• ¿Xí dxiin rac lagary ni laa Betel?