Бистиҥ организация кажы ла јыл канча јӱс миллион Агару Бичиктер ле ӧскӧ дӧ бичиктерди акча тӧлӧбӧзинеҥ кепке базып, таркадып јат. Бистер Каандыктыҥ Тураларын ла филиалдар тудуп, јазап јадыбыс; Бет-Элдиҥ муҥдар тоолу ишчилерин ле миссионерлерди акчала јеткилдейдис; ар-бӱткенниҥ тӱбегине табарткандарга болуш јетиредис. Слер «Бу ончо неме кандый акчала јеткилделет?» — деп, билерге турган болорор.

Бис онынчы ӱлӱӱ (десятина) тӧлӧбӧйдис эмезе кандый бир взностор ло акча јуубайдыс. Бистиҥ јарлаар иште јаан чыгымдар болуп турган да болзо, спонсорлор бедиребейдис. Јӱс јылдаҥ кӧп кайра ӧйдӧ «Каруулчы бакананыҥ» экинчи таҥмазында Иегова бисти качан да артыргыспас ла «качан да јайнабазыс та, улустаҥ болуш сурабазыс та» — деп айдылганыла бис бойыстыҥ айткан сӧзисти бӱдӱргенис! (Матфей 10:8).

Бистиҥ ижис бойыныҥ кӱӱнинеҥ берилген акчала јӧмӧлип јат. Кӧп улус, бистиҥ библиялык јартамал ӧткӱрип турган ижис учун быйанзагын кӧргӱзип, бойыныҥ кӱӱнинеҥ акча берет. Иегованыҥ Керечилери Кудайдыҥ табын бастыра јерле бӱдӱрерге, бойлорыныҥ ӧйин, ийде-кӱчин, акча-манадын, ӧскӧ дӧ аргаларын сӱӱнип сыйлагылап јат (1 Летопись 29:9). Каандыктыҥ ла курултайлардыҥ Тураларында акча салатан кайырчактар бар. Кӧп саба акчаны Иисустыҥ мактап айткан јокту тул ӱй кижи эки оок акчаны ӧргӧӧдӧги акча-јӧӧжӧниҥ кайырчагына салганы чылап, јуундагы бай эмес ага-карындаштар сыйлап јат (Лука 21:1—4). Анайып ок кандый ла кижи «јӱреги ого айтканынча» сыйлар эдерге, јаантайын бир эмеш акча кичееп алар аргалу (1 Коринфтегилерге 16:2; 2 Коринфтегилерге 9:7).

Акту јӱректӱ улус Каандыктыҥ ижине јӧмӧжип, ончо баалу не барыла оноҥ ло ары Иегованы тоор деп, бис бӱдӱп јадыбыс (Укаа сӧстӧр 3:9).

• Бистиҥ организация ӧскӧ кудай јаҥдардаҥ незиле аҥыланып јат?

• Бойыныҥ кӱӱнинеҥ берилген акча канайып тузаланылат?