Ne beya gouʼ le, pye thé medou Mbible ba she mŋwaʼgne neng be gap ma pe te kwi khap. Pye kwe neng be nyapte Mdye Nefo ba m Béthèl. Pye dé ge ka pô Béthèl ke ba pô pye pou tchya wap tchum she mgoung ge wap sing ghôm Si a, ke yak sômywe. Pye bing kwite ba pô tchwe ye mgheghô ŋwak ne pou a. Po fing ne po hente mne mô ge: “Khap ne gre goung faʼ bô fe m ha?”

Pye te gôm deng ywe ye mo gô ha a pe, pye le neng be tchwôp khap. Ba m paʼ a tcheng medou khap te faʼ tsôk ghô dze a, pye te tsegne pô tsegne ge wap ha khap pe. A é daʼ twôk gouʼ khe paʼ Dye Djapnè nouba yepue le ghôm ge, paʼ pye jye ge Jéova ne tchu pou ne faʼ tsôk a, pye te gô laʼ lo ke hente ge pômneng le khap yap kwite wôk ne faʼ bô pe​—pye neng gre a kwaʼ poʼo!​—Matio 10:8.

Mfaʼ môk ne ghô dze be pômneng le pountum ne ha potse. Medou pô koung faʼ tsye pye ne dagne Bible bi pômneng a, neng be ha potse ne ne kwite ne faʼ bô. Ba kwaʼ Mkwithè Jéova ŋwègne ne ha tam yap, guʼ yap, khap yap ba she potse, ne ne gre ge pou ghe ywe ye Si tcheng a ne goung demtchaʼ awè. (1 Chroniques 29:9) Tchum Mdye Nefo ba ne mtsuʼ tchouʼte gwye môk, pô pye wap tcheng ne ha ywe a fing ne ning ywe tchum mtwôʼ poutchi. Medou pô pye wap ha khap ye pye ne faʼ a be pô be wap ka ghe khap téʼ, paʼ pfôk mdjwi ye a le be é peng a, ye Yéso le ghoʼte é paʼ é ning tse bè pue tchum twôʼ poutchi dye Si a. (Loukasi 21:1-4) A daʼte ge bawele fing ne pe “[dj]ap ywe ye é dwôʼ a jum” te ne ha “paʼ tum tsye ne saʼé a.”​—1 Korinto 16:2; 2 Korinto 9:7.

Pye tchente jye ge Jéova gô kwiʼ pe kwite ge pô pye wap koung a, pe de ‘potse mtuôdeng map ne ha mkhouʼ myeʼ, neng tchu pou ne faʼ Nefo Si, te a ghe ge ywe ye é tcheng a logne.​—Proverbes 3:9.

• Ke gre bemte yôk le pe paʼ pyeshe mtchôsi a?

• Potse tsye pômneng de pountum ne ha a kwite m ke?