Łáʼí dah yiihkahígíí tʼáá nináháhááh bikʼeh ląʼí míiltsoh ánéelą́ąʼgo Diyin God Bizaad, dóó naaltsoos wóltaʼígíí ádeilneʼgo doo bikʼéʼezláágóó nideeʼniih. Kingdom Hall dóó bitsʼádaʼoozʼaʼ biiʼ daʼíníshígíí kin ndahiiʼnííł dóó baa ádahwiilyą́. Áádóó ałdóʼ ląʼí miil dóó baʼaan ánéelą́ąʼgo Béthelgi deiyílníshígíí dóó ndahalneʼii náánáłah kéyahgóó adabiʼdilʼaʼígíí bíkáʼanídeilwoʼ. Nitsíhodindiłgo ałdóʼ áká anídeelwoʼ. Áko íinínízinshı̨́ı̨́, ‘Ákosh háádę́ę́ʼ béesogo bee bikʼéniʼiilyé?’

Béeso éí doo deiyíníikeed da. Nahaneʼ biʼoonishígíí ląʼí béeso bááh ílı̨́ ndi, doo béeso biniyé deiyíníikeed da. Neeznádiin dóó baʼaan nááhai yę́ędą́ą́ʼ, Bee Haʼídéesʼı̨́įʼii binaaltsoos naaki góneʼ ályaa yę́ę ádííniidgo éí Jiihóvah nihikééʼ sizı̨́, dóó “tsʼídá doo diné nídeiniikąąhgo nihíkáʼoohjeeh dabidiʼdiiʼniił da.” Áko tsʼídá tʼah doo ákódeiʼnéeh da!​—Matthew 10:8.

Diné tʼáá bí ádeinízingo béeso adayiiníiłgo bideiyíníilníshígíí yee yilwoł. Diyin God Bizaad baa naʼnitin biʼoonishígíí tʼóóʼahayóí diné yaa ahééh danízingo béeso yee anídaalwoʼ. Nihookááʼgi Jiihóvah Yá Dahalneʼé bił dahózhǫ́ǫgo God íinízinii yánídahoołʼaah, haleebee ádaatʼı̨́įgo, tʼáá bí dabibéeso dóó nááná haʼátʼíida bee aʼdoowołígíí yee anídaalwoʼ. (1 Chronicles 29:9) Kingdom Hall dóó nitsaago áłah nídaʼoodleełgi tsitsʼaaʼ béeso biih dahaʼníiłgo naaznilígíí, éí tʼáá háíshı̨́ı̨́ béeso łaʼ bee adeeshwoł nízinígíí yiih dayiinííł. Doodaiiʼ béeso bee adeeshwoł danízinígíí éí jw.org nihiwebsite biijįʼ ádeidoolíiłgo átʼé. Bibéeso doo daa ląʼígíí éí aláahgo anídaalwoʼ. Éí Jesus asdzání léiʼ nizhónígo yaa chʼíhoníʼánę́ę nahalingo díí asdzání bąąh áhásdįįdgo bahojoobáʼí ndi bijéí biiʼdę́ę́ʼ íiniizíiʼgo béeso ayíínil. (Luke 21:1-4) Áko tʼáá háiida tʼáá ahą́ą́h bee aníjílwoʼ dooígíí “łaʼ áádoosįįłgo hashtʼeʼnidoohʼááł” éí “hániʼdii bee hashtʼeʼnitsízníkéezii bikʼehgo ájooníił doo.”​—1 Corinthians 16:2; 2 Corinthians 9:7.

Nihił bééhózingo éí Jiihóvah diné bijéí nayiiłnáago yee ‘daʼatʼínígíí bee bił danilı̨́įgo’ biNahatʼaʼ biʼoonishígíí tʼáá bí ádeinízingo yaa deidiyiiʼaah. Áko éí bee God íinízinii łaʼ dadoolnííł.​—Proverbs 3:9.

• Łáʼí dah yiihkahígíísh haʼátʼíí bee łahdę́ę́ʼ oodlání dah yikahígíí bił áłʼąą ániitʼé?

• Haash yitʼéego diné tʼáá bí ádeinízingo béeso yee anídaalwoʼígíí chooʼı̨́?