Unsah organization macht millions funn Bivla un publications alli yoah, un gevva’s naus unni frohwa fa geld. Miah doon Fasamling Bletz un branch offices uf, un gevva acht uf si. Miah helfa dausends funn Bethelites un missionaries, un macha shuah es leit in disaster areas henn vass si braucha. So, du mechsht vunra, ‘Vo kumd’s geld bei fa awl dess du?’

Nimmand vatt ksawt es si geld gevva missa. Es kosht en latt fa di ministry supporda, avvah miah gayn doch nett rumm frohwa fa geld. Da August 1879 issue funn da Vatshtavvah hott ksawt, es miah shuah sinn es Jehova uns support un ‘miah zayla selayva nett bedla fa geld’​—un miah henn selayva nett sell gedu!​—Matthäus 10:8.

Unsah eahvet vatt gedu mitt dohnayshins. Feel leit apreeshayda di eahvet es miah doon fa di Bivvel teetsha, so si gevva geld fa helfa mitt sell. Jehova sei leit gevva geahn funn iahra energy, zeit, geld, un anri sacha fa helfa Gott sei villa du gans ivvah di eaht. (1 Chronik 29:9) Miah henn dohnayshin boxa an di Fasamling Bletz, assemblies, un conventions fa selli es en dohnayshin macha vella. Adda, ma kann dohnayshins macha uf unsah website, jw.org. ’S mensht funn di dohnayshins kumma funn leit es fleicht nett en latt geld henn. Si sinn vi di oahm vitt-fraw es da Jesus kshvetzt hott diveyya es yusht zvay glenni shtikkah geld gevva hott. (Lukas 21:1-4) So, sell veist es ennich-ebbah kann reklah “samm geld vekk du” so es si doch ebbes gevva kenna.​—1 Korinther 16:2; 2 Korinther 9:7.

Miah vissa es Jehova helfa zayld vann ebbah ‘gevva vill funn di sacha es si henn,’ fa di ministry supporda, so’s sei villa gedu vadda kann.​—Shpricha 3:9.

• Vass macht unsah organization diffand funn anri religions?

• Vi vadda di dohnayshins gyoost?