Бизиң гурамамыз хер йыл миллионларча Мукаддес Язгылары хем-де оңа эсасланан эдебиятлары чап эдйәр ве мугтуна пайлаяр. Шейле-де биз Патышалык залларыны ве филиаллары гурярыс хем-де олары говы ягдайда сакламак үчин беҗериш ишлерини гечирйәрис. Биз мүңлерче Бейтел гуллукчыларыны ве миссионерлери мадды тайдан голдаярыс хем-де тебигы бетбагтчылыга учран доган-уялара ярдам эдйәрис. Шол себәпли сизде шейле сорагың дөремеги мүмкин: «Бу ишлер нәмәниң хасабына амала ашырыляр?»

Биз адамлардан пул дилемейәрис. Вагыз ишимизе көп чыкдаҗы эдилйән хем болса, биз адамлардан пул дилемейәрис. Йүз йылдан говрак мундан өң чап эдилен «Гаравул диңи» журналының икинҗи санында Ехованың бизи голдаҗакдыгы ве бизиң «көмек үчин хич бир адама ялбармаҗакдыгымыз» барада айдылыпды. Бу сөзлер айдылышы ялы-да болды! (Матта 10:8).

Бизиң ишимиз мейлетин совгатлар аркалы амала ашырыляр. Көп адамлар бизиң Мукаддес Язгылар окувыны гечирйәндигимиз үчин миннетдарлык билдирип, мейлетин совгат берйәрлер. Ехованың Шаятлары бүтин ер йүзүнде Худайың ислегини берҗай этмек үчин вагтыны, гүйҗүни, серишдесини ве башга-да затларыны ак йүрекден сарп эдйәрлер (1 Йыл язгылары 29:9). Йыгнак душушыкларының ве конгреслериң гечирилйән ерлеринде мейлетин совгатлар үчин йөрите гуты бар. Совгатлары берйәнлериң көпүси гурплы машгаладан дәл. Олар хем Исаның өвгүли сөзлерине мынасып болан дул хатын ялы, совгатлары йүрекден берйәрлер (Лука 21:1—4). Шол себәпли хер бир адам совгат хөкмүнде «өз гөвнүнден чыкараныны» берип билйәр (1 Коринтослылар 16:2; 2 Коринтослылар 9:7).

Биз акйүрекли адамларың «бүтин байлыгы» билен Ехованы шөхратландырҗакдыкларына ынанярыс. Бу болса Патышалык ишини долы берҗай этмәге ярдам эдер (Сүлейманың тымсаллары 3:9, МК).

• Бизиң гурамамызың башга динлерден нәме тапавуды бар?

• Мейлетин берилйән совгатлар нәмә сарп эдилйәр?