LEHONA 24
E Fakatupe Vēhea te Matou Galuega i te Lalolagi Kātoa?
Nepale
Togo
Peletānia
Ko te matou fakalāpotopotoga e lolomi ma tufa te fia helau miliona o Tuhi Paia ma iē tahi lōmiga i nā tauhaga takitahi ma e hēai he totogi. E fau ma tauhi e ki matou nā Fale o Hauniga ma nā ofiha o lālā. E lagolago e ki matou te fia afe o nā tino e nonofo i Peteli ma nā mihionale, ma fōki atu te fehoahoani i nā taimi e tupu ai te puapuagā. Hōvē e mafaufau koe, ‘E fakatupe vēhea nā mea uma iēnei?’
E hē faia e ki matou ni tupe tahi vaehefulu, ma e hē aoa ni lafoga, pe ko te fai o ni haogātupe. E tigā lava e maualuga te tau o te lagolago atu ki te galuega tālaki, ko ki matou e hē hakili tupe. Kua hili atu i te henituli kua teka, na taku mai i te lōmiga tona lua o te mekahini o te Watchtower e talitonu ki matou ko Ieova e ia lagolago ki matou, “ka hē taitai ki matou oi gogō atu pe talohaga he fehoahoani mai he tahi”—ma e heki faia lele vēnā e ki matou!—Mataio 10:8.
E lagolago a matou galuega i nā meaalofa tauofo. E loto fakafetai te tokalahi o nā tino ki te matou galuega akoako Tuhi Paia ma foki mai ni meaalofa mo tēnei galuega. E fiafia nā Molimau ke fōki to latou taimi, malohi, tupe, ma iē tahi koloa ke fai te finagalo o te Atua i te lalolagi kātoa. (1 Nofoaiga a Tupu 29:9) I te Fale o Hauniga, ma matou fonotaga kogāfenua e i ei ni puha meaalofa, e mafai oi tuku ki ei nā meaalofa mo ki latou e fiafia ke fai ni a latou meaalofa. Ko te lahiga o nā taimi, ko nā tupe e maua mai nā tino hē maukoloa, e tutuha ma te fafine mativa kua oti tana āvaga tēia na taku lelei mai e Iehu e lua lava ni ana tupe ukamea taigole na tuku ki loto o te puha tupe mo nā tāulaga mo te mālumalu. (Luka 21:1-4) Ko tēnā la hō he tino e mafai ke “tuku kehe . . . he tupe” ke fōki e tuha ma te mea kua loto koe ki ei.”—1 Kolinito 16:2; 2 Kolinito 9:7.
Kua talitonu ki matou ka fakaauau pea e Ieova te fakatupu i nā loto o ki latou e fia ‘āva ki a te ia i a latou koloa’ i te fakalagolago atu ki te galuega o te Mālō ke fakataunuku ai tona finagalo.—Fataoto 3:9.
-
E kehe vēhea te matou fakalāpotopotoga mai iē tahi tāpuakiga?
-
E fakaaogā vēhea nā meaalofa kua ofo mai?