A nkwa méngou’, atchou’té zeuk a fôk, nzeung ngapté mébiible mbô émô’ mékèté tè é ghô mémillion. Mpeukè kouèt mbing ntoung-né ménguia atchou’té, mbô mébéthel meuk. Mpeukè pou ntôôté épouô pi é ghôkô a Béthel mbô mémissionnèr, nzeung nkuité épouô éfœu’ ménguengue. Léghô wouô mèt a ghô kœu’nè wou tè o zèté nguè, “mpeukè lôk nkap éghô té ndôk ntôôtè afa’ Lefô pa’a mèt-é?”

Mpeukè té zèté nguè mè tchoup nkap-a, mbing té zètè ta’ nzhè anè légheum-è. Mbô pa’ afa’ zeuk a nteu ngông a zèté nkap tè’ la, mpeukè ké té nkap a mbou épouô lôô. A ghô ngou’ nkhœu té ntôk pa’ akèté Tour de Garde paaté mémpia a lé nông-ô ndeuè nguè, pa’ Joovah mè tôôtè weuk la, mpeukè “ghô lé neung-è alé’é nzèté, kèè nkui nkap a mbou épouô ndôk ntôôtè afa’ Lefô”—mpeukè si mbing ngheuè pa’ mè lé kia poup!​—Matthieu 10:8.

Awuè-wuè a kông, té ntôôté méfa’ meuk. Épouô té nzaa é wou’té ntsi zi mpeukè lôk nzi’nè Biible a mbou épouô poup, mbing nguiè azou ndôk ntôôté. Ménjheuè-njiô pô méngnwèt é zeung ngô mé lékak a lélôk njheu zôp mbô éteue wôp ntôôtè afa’ Lefô. Pô zeung ndôk nkap zôp mbô émô’ métsisti môp ngheuè ajoumi Ndem a si nkông-ô a ndoo éssi atsetsa’. (1 Chroniques 29:9) Épouô pi é shi’è a nguia atchou’té, mbô mémia métchou’té, pô kông té neung-è azou a nteu atou’. Mè ghô zeung ntsia anè site internèt weuk jw.org, nguiè azou ndôk ntôôtè afa’ Lefô. Apak lœuè nkap zi mè wè é fhô a mbou épouô pi pô té lè ntswhi ngwuè ajouô, pa’ mpfôk méngwi yi a lè mboung, Yésso a ping shoung-nè mbông-ô anè yi, mela’mi a lé neung mézizi mépak nkap mèmbia a nteu atou’ a nguia Ndem. (Luc 21:1-4) Awôlè a ghô kông, “éfeung-è a meung-è gha’ azou” éfœu’ métseum, mbing nguiè “pa’ a kia poup a nteu yi.”​—1 Corinthiens 16:2; 2 Corinthiens 9:7.

Mpeukè zhè té mi’té nguè Joovah a ku’né seumté épouô pi é kông-ô wôp a lélôk métsitsi môp mi é teue nzwing ntôôtè afa’ Lefô. Mè tsia poup té ngheuè ajoumi Ndem a si nkông-ô.​—Proverbes 3:9.

• Akô gheu tè mpeukè tswhi anè émô’ métchôssi?

• Nkap zi épouô é lôk lékông wôp té nguia, é kuité é lèkô?