Nga maꞈ bawˬ dzaˬ duˬ-ahˇ, Miˬyehˇ Miˇ k’ahˬ Bawˬ dzaˬ nymˇ lehˇ kuˇ-eu meh. Aˬ jeˬ miˇ neh ehˇ naˇ, Bawˬ dzaˬ nymˇ-ahˇ ja sawˇ-eu gaˇ kawˆ naˇ, Yeˬsuˇ neh dawˬ pehˬ taˬ-awˇ mehˬ yaꞈ-euˬ Miˬyehˇ Miˇ k’ahˬ gaˇ kawˆ pyeuꞈ-eu miˇ neh meh.—Luˇkaꞈ 8:1.

Maˇ diˇ uˬ duˬ tahˬ-eu zahˇ deuˬ-euˬ g’aˇ duˬ meh. Yeˬhawˇbaˬ-euˬ Saˇ kiˇ deuˬ, Bawˬ dzaˬ nymˇ heu deuˬ-ahˇ zmˬ-awˇ, Miˬyehˇ Miˇ k’ahˬ gaˇ kawˆ tsaꞈ gaˬ luꞈ-eu ma. (Maꞈtehˬ 24:14) Tsoˆ taˬ-euˬ Bawˬ dzaˬ nymˇ yaw huiˬ yaw nyiˇ tiˬ gaˇ maˬ duˇ leˇ jiˇ-a. Ehˇ k’awꞈ, yawˬ gaˇ na luꞈ yaw awˬ awˬ lehˇ tsoˆ taˬ-euˬ ma. Miˇ k’ahˬ doe ni jaˆ-eu Bawˬ dzaˬ nymˇ-ahˇ, aˇ muˇ tiˬ muˇ tehꞈ-ehˇ maˬ ngeuˇ-eu zmˬ-eu ma. Tsawˇ haˬ myaˬ laˇ tehˇ tehˬ-eu baˬ da neh, nymˇ heu myaˆ k’oꞈ laꞈ k’oeˇ tehꞈ-ehˇ, Bawˬ dzaˬ nymˇ tsoˆ luꞈ-eu aˇ muiˇ nymˇ neh byah laˇ-euˬ meh. Sawˇ leꞈ ngeh (tiˬ nah ngaˬ nymˇ byah ni) tsoˆ luꞈ-eu meh. Heu deuˬ-ahˇ nga maꞈ aˬ jeˬ miˇ neh mˇ nya-eu nga?—Maꞈtehˬ 19:26.

Aˇ maꞈ neh damˬ taˬ-euˬ pyuˇ deuˬ neh tsoˆ-eu ma. Damˬ taˬ-euˬ pyuˇ deuˬ saˇ naˇ-ahˇ biꞈ g’eh-eu ma. K’oeˇ naˇ, pyuˇ heu deuˬ-ahˇ Bawˬ dzaˬ nymˇ tsoˆ mawꞈ-eu deuˬ maˬ ehˇ, laˆ saˆ mawꞈ-eu deuˬ maˬ ehˇ yuˇ nya-eu meh.

Yaw myaˬ gaˇ neh laˇ-awˇ, g’aˬ gaˇ aˇ poeˬ maˬ yuˇ-eu deuˬ neh tsoˆ nehˬ laꞈ-eu meh. Miˇ k’ahˬ yaw myaˬ k’ahˬ-ahˇ, Bawˬ dzaˬ nymˇ tsoˆ-eu aˇ muˇ muˇ taˬ-euˬ meh. Aˇ muˇ heu deuˬ naˇ, yawˬ ha-euˬ miˇ k’ahˬ laꞈ k’oeˇ jaˆ-eu Bawˬ dzaˬ nymˇ tsoˆ gaˇ caw ba nehˬ-eu g’aˇ duˬ, dawˬ peh gaˇ mahˇ maˬ ehˇ iˇ iˇ-ehˇ caw ba nehˬ-eu meh. Miˇ k’ahˬ tiˬ k’ahˬ na-aˬ, yawˬ ha-euˬ jawˇ k’ahˬ-ahˇ Bawˬ dzaˬ nymˇ tsoˆ gaˇ maˬ ehˇ, laˆ saˆ gaˇ maˬ ehˇ bi haw piˇ-eu g’aˇ duˬ, noeˬ dahˇ doe laˇ-euˬ Saˇ kiˇ deuˬ-ahˇ tseˇ doˆ taˬ-euˬ meh. Bawˬ dzaˬ nymˇ tsoˆ luꞈ-eu yawˬ gaˇ na luꞈ, dawˬ peh jawˇ-eu mehˇ nmˇ deuˬ naˇ, g’aˬ gaˇ ga myaˬ dzehˬ-eu meh. Gaˇ heu deuˬ dawˬ tawˆ luꞈ pyeuꞈ leˇ-eu heu naˇ, Yeˬhawˇbaˬ-euˬ muiˬ-eu shawˇ-eu yaw sahˇ hawˇ-eu aˬ yawꞈ-euˬ zaˬ lahˇ deuˬ leh jeh-eu miˇ neh meh.—Ja ceuˬ 127:1; Gawˇlawˇsehˇ 3:23.

• Nga maꞈ bawˬ dzaˬ duˬ-ahˇ Miˬyehˇ Miˇ k’ahˬ Bawˬ dzaˬ nymˇ lehˇ, aˬ jeˬ miˇ neh kuˇ-eu nga?

• Nga maꞈ miˇ k’ahˬ doe ni Bawˬ dzaˬ nymˇ aˬ jeˬ miˇ neh tsoˆ nya-eu nga?