Ariñahani tídangiñeti Bíbülia le wakutihabei tidan Luban Hadamuridagun gefentiña luagu Heowá layanuhaña luagu Larúeihan Bungiu, tema le giñe uágubei meha layanuha Hesusu lidan lani ministeriu (Lúkasi 8:1).

Aban fulasu lánina áhuduraguni inarüniti lidan ageiraü. Ñéingiñe ladügǘwa aransehani lubá lapurichihóun uganu buiti (Matéu 24:14). Ámuñegueinarügüti tiseisin luma tesetirun muna burí to, gama lumoun sensiyutu súngubei; tidan saragu tídangiñe, damuriguati lóugiñe aban damuriguaü. Lidan lagumuhóun burí irumu bunaguatiwa saragu milu (kéiburi seingü luagu weyu) según laganwoundun hanumerun apurichihatiña lidan sun damuriguaü. Ida liña wadügüni katei le? (Matéu 19:26.)

Bunawaguatu lau budagia le lunti tábunawagun Luban Wadamuridagun. Seinsu le ibihúbei ounahóuati tidoun Beteli ani gayaraati layusurúniwa lun damuriguaü le ñein lubéi megei hamá aban iseri muna lun hadamuridagun o lun haranserunu to ñein habéi.

Hábunagun saragu íbirigu sin hafayerúniwa. Lidan saragu ageiraü adügǘwati Sétanu burí le ábunagubei Luban Hadamuridagun gefentiña luagu Heowá. Íbirigu ha nadagimeinbaña lidan sétanu le hama ha ídehabaña, aweiyasuhatiña lídangiñe aban damuriguaü lidoun aban lidan hageira íbini lidoun fulasu le díseburiti lun híderaguniña lílana burí damuriguaü ábunaguoun Luban Hadamuridagun. Lidan amu burí ageiraü iridúatiña íbirigu ha subudihabútiña lun ábunaguni lun hagía lan alidihei tábunawagun luma taransehóun muna lun adamuridaguni lidan fulasu burí le lábugiñebei haríaahan. Gama lumoun, lílana damuriguaü ha lúnbaña layusurunu Luban Adamuridaguni hiibe-agei gürigia ha nadagimeinbaña lidan tábunawagun. Lani Heowá sífiri sandu luma áfaaguni le hadügübei lumutuniña ligía adügübei lun gayara lan ladügǘniwa wadagimanu le (Sálumu 127:1; Kolosana 3:23).

• Ida liña wibihin wadügün saragu Luban Hadamuridagun gefentiña luagu Heowá lidan sun ubóu?