Como cosa el nombre Kingdom Hall ta indica, el enseñanza del Biblia que ta discuti alla ta man centro acerca na Reino del Dios—el tema del ministerio de Jesus.—Lucas 8:1.

Centro del verdadero adoranza na comunidad. Aqui ta organiza el maga Testigo de Jehova con el predicacion de buen noticia para na local teritorio. (Mateo 24:14) Maskin otro-otro el grandor y diseño del maga Kingdom Hall pero todo simplé lang el forma. Mucho de este, mas de un congregacion el ta usa. Cuanto año pa lang ya pasa, ya puede kame construi miles de maga nuevo Kingdom Hall (maga cinco cada dia) para na maga miembro y congregacion que mas ta omenta. Paquemodo este ya queda posiblé?—Mateo 19:26.

Ta construi por medio na maga donacion. El maga donacion ta imbia na maga oficina del maga Testigo de Jehova. Este pondo ta dale usa na maga congregacion que ta necesitá compone o construi nuevo Kingdom Hall.

Ta construi na ayuda del maga voluntario que diferente el estado na vida. Na manada lugar, tiene maga Kingdom Hall Construction Group que ta organiza. Este grupo de maga hermano y hermana quien ta ayudá construi maga Kingdom Hall y maga voluntario ta anda na otro-otro congregacion na un nacion, maskin na maga lugar que lejos na ciudad, para ayudá construi con el diila Kingdom Hall. Na otro maga lugar, tiene maga qualificao Testigo con quien ya iscuji para mira con el construida y componida del maga Kingdom Hall na un región. Maskin pa manada el maga voluntario que estaba na región quien tiene abilidad trabaja na un proyecto, mas mucho siempre el miembro del congregacion quien tan voluntario. Ya queda este todo posiblé por medio na espiritu de Jehova y el de con todo corazon esfuerzo del de suyu maga siervo.—Salmo 127:1; Colosa 3:23.

• Porque ta llama Kingdom Hall con el diamon lugar de adoranza?

• Paquemodo ya queda posiblé el construida del maga Kingdom Hall na entero mundo?