Ŋaakpɔn gɛ pɛlɛɠaa kaa a kɛɛnaaɠaai da Biblə kalan naa yɛ hwilɛn na Yálá ŋɔ Tɔɔlaa ɓa. Dɔɔlaa tii maa mɛni ɓə Zesu ə kɛi galan. — Lukə 8:1.

Naaɠaa ɓə da Yálá ɓatoo laa a gbɔkpɔ. Ŋaakpɔn gɛ pɛlɛɠaa kaa a kɛɛnaaɠaai da Yálá lawoo laa həli mɛni hee laa gbanŋa taaɠaa hu (Matie 24:14). Ku wɔ ŋaakpɔn gɛ pɛlɛɠaa kəlee tɔɔ pələ ho tɔnɔn, di kɛnɛ yee ho nwɔnɔ tɔnɔn. Kɛlɛɛ da di tɔɔ lɔ a bɛliɛ ɉu. Gbəli a kɛ, kalangbɔn damaa diɛ kpɔn ŋaakpɔn gɛ pɛlɛ tɔnɔ ɓa. Gwəlanŋaa ŋɛi daa tɛɛ di kuu mu, kalangbɔnŋaa daa tama, kwaa ŋaakpɔn gɛ pɛlɛ waa tamaa tɔɔ yili maa mɛni ɓa (Gaa lɔ yɛ kwa ŋaakpɔn gɛ pɛlɛ 5 tɔɔ holo ɓa). Yili a pɛli kɛi ləi ?​— Matie 19:26.

Kwa bɛlɛɠaa tii tɔɔ a kɔɓo wali yii kwa doo kɛɛnaa tɔnɔ ɓa. Kwa nwaliɠaa tii tɛɛ filiyali ɓa ə gɛ di dɛɛ kalangbɔnŋaa diɛ ŋaakpɔn gɛ pɛlɛɠaa tɔɔ mɛni ɓa, awala kɛtii di maahəɠə mɛni ɓa.

Mɛinɛɛ kóló kɛ nua yiiɠaa da həɠə lɔi tamaa hu, diɛ ɓə da bɛlɛɠaa tii tɔɔ. Lɔi tamaa hu, ŋaakpɔn gɛ pɛlɛɠaa tɔɔ nua maa mɛni heɛ kpɔ gbanŋa a nɛlɛɛ. Di kaa a mɛinɛɛ kóló kɛ nua ŋaakpɔn gɛ pɛlɛɠaa tɔɔ mɛni ɓa. Da kɛ lii kɛɛnaa kweaaɠaa ɓa kalangbɔnŋaa hu diɛ kpɔnmaa tɛɛ naa kalan nea pɔ yiliɠaa di wɔ ŋaakpɔn gɛ pɛlɛɠaa tɔɔ mɛni ɓa. Lɔi taɠaa hu, koɓi tɔnɔ hu nua diɛ kpinii ɓə da di wɔ ŋaakpɔn gɛ pɛlɛɠaa tɔɔ. Pələi ma ŋaakpɔn gɛ pɛlɛ tɔɔ nua wɛlɛɛ la pɛlɛ kóló kɛi, da kɛi ŋaakpɔn gɛ pɛlɛ tɔɔ kɛɛnaa ta, naa kalan nea ɓə da góló mɔlɔmun gɛ. Yili kəlee a kɛ Zehova ŋɔ kili maahəɠɛɛ haalai. Ə lɛɛ nwɔnɔ Zehova ŋɔ nukplui a vaŋa həɠə kóló kɛ mɛni ɓa yee lɔ gee hu. — Somə 127:1 ; Kɔlɔsə 3:23.

• Kwa tɛɛ ləi kuɔ ŋaakpɔn gɛ pɛlɛɠaa tɔɔ lɔi mɛi naa kəlee ?