Ti plëtse woo mëyer uns fersamle wëre Raych Saale kenënt, wayl Kot sayn Raych is tas haupste theema woo mëyer tat xtutiire, tas waar aach tas theema fon Yeesus sayn preetich. — Lucas 8:1.

Es sin plëtse fer Yeehoowa aan peete. Mëyer tuun uns tat trëfe fer ti kuute aatere fom Raych preetiche keen. (Mateus 24:14) Ti Raych Saale khëne kroos orer kleen sin, tii khëne aach in unerxiitliche aate kepaut sin, awer se sin keweenliche kepaute, un oft mools, wëre se fon mee wii een kemaynt penutst. In te lëtste yoere, hon mëyer tausente Raych Saale kepaut (unkefeer, finef am taach) fer te xrit fom wakse fon te kemaynte noo se khome. Wii is tas meechlich? — Mateus 19:26.

Te pau fon tëne wërt mit een spetsiifixe resërwe fon kontripuytsioone finantsiirt. Tiise kontripuytsioone wëre tsu te filiaal kexikt tas ti kemaynte, woo een Raych Saal paue orer reformiire mise, tas këlt oone tsinse kriin.

Al sort layt tuun fraywilich un umsonst am pau xafe. In fiile lënter, sin Raych Saal Pau Krupe kemacht këp. Mitkliiter fon tiise pau krupe un fraywiliche aarwayter tuun fon een kemaynt tsu aner im sëlwiche lant reese, fer Raych Saale paue. Es is een tuun wii wayt tiise plëtse sin. In anere lënter tuun kwalifitsiirte Tsayer te pau orer reform fon Raych Saale in een rechioon koorteniire. In ale pau plëtse këpts profitsionaale aarwayter woo fraywilich xafe. Awer, te kreeste teel fon te fraywilich aarwayt wërt fon mitkliiter fon te aychne kemaynt kemacht. Tas ales is ploos meechlich wayl Yeehoowa sayn kayst tehiner xteet un wayl sayn folek mit kanse hërts tepay is. — Salmo 127:1; Colossenses 3:23.

• Warom sin unsere aanpeetung plëtse Raych Saale kenënt?

• Wii is es meechlich Raych Saale uf te kans wëlt se paue?