اتاۋىنان كورىنىپ تۇرعانداي،‏ پاتشالىق سارايلارىندا نەگىزىنەن كيەلى كىتاپتىڭ ٵرى يسانىڭ جەردەگى قىزمەتىنىڭ باستى تاقىرىبى —‏ قۇداي پاتشالىعى جايلى حابار —‏ قاراستىرىلادى (‏لۇقا 8:‏1‏)‏.‏

ولار عيبادات ورىندارى بولىپ تابىلادى.‏ پاتشالىق سارايلارىندا ىزگى حاباردى ۋاعىزداۋ ٸسى ۇيىمداستىرىلادى (‏ماتاي 24:‏14‏)‏.‏ بۇل سارايلار كولەمى مەن قۇرىلىسى جاعىنان ٵرتۇرلى بولىپ كەلەدى.‏ دەسە دە بارلىعى دا قاراپايىم ەتىپ سوعىلادى ٵرى ولاردىڭ كوبىسىن بىرنەشە قاۋىم پايدالانا الادى.‏ جاريالاۋشىلاردىڭ سانى كۇن ساناپ ٶسىپ جاتقاندىقتان،‏ سوڭعى جىلدارى ٴ‌بىز مىڭداعان پاتشالىق سارايلارىن سوقتىق (‏شامامەن كۇنىنە بەسەۋدەن كەلەدى)‏.‏ بۇل قالاي مۇمكىن بولىپ وتىر؟‏ (‏ماتاي 19:‏26‏)‏.‏

ولار پاتشالىق سارايلارىن سوعۋعا ارنالعان ساداقاعا تۇرعىزىلادى.‏ بۇل ساداقا فيليالعا جىبەرىلەدى.‏ ەگەر قانداي دا ٴ‌بىر قاۋىم پاتشالىق سارايىن سوققىسى نە جوندەگىسى كەلسە،‏ سول قاراجاتتى فيليالدان الا الادى.‏

ولاردى كاسىپتەرى ٵرتۇرلى ەرىكتى قىزمەتشىلەر اقىسىز سوعادى.‏ كوپتەگەن ەلدەردە پاتشالىق سارايلارىن سوعاتىن توپتار ۇيىمداستىرىلعان.‏ وسى توپتىڭ مۇشەلەرى وزگە ەرىكتى قىزمەتشىلەرمەن بىرگە ەل ىشىندەگى قاۋىمدارعا،‏ ٴ‌تىپتى شالعاي جاتقان اۋماقتارعا بارىپ،‏ جەرگىلىكتى قاۋىمدارعا پاتشالىق سارايلارىن سوعۋعا كومەكتەسەدى.‏ وزگە ەلدەردە بولسا بىلىكتى ەحوبا كۋاگەرلەرى بەلگىلى ٴ‌بىر ايماققا تاعايىندالىپ،‏ سول جەردە پاتشالىق سارايلارىن سوعۋ نە جوندەۋ جۇمىستارىن قاداعالايدى.‏ قۇرىلىس الاڭىنا بىلىكتى ماماندار سىرتتان كومەككە كەلگەنمەن،‏ جۇمىستىڭ باسىم بولىگىن جەرگىلىكتى قاۋىم مۇشەلەرى ورىندايدى.‏ قۇرىلىس ٸسى ەحوبانىڭ كيەلى رۋحىنىڭ جانە ونىڭ حالقىنىڭ جان-‏تانىمەن اتقارعان ەرەن ەڭبەگىنىڭ ارقاسىندا مۇمكىن بولىپ وتىر (‏ٴ‌زابۇر 127:‏1؛‏ قولوستىقتارعا 3:‏23‏)‏.‏

• ٴ‌بىزدىڭ عيبادات ەتەتىن ورنىمىز نەگە پاتشالىق سارايى دەپ اتالادى؟‏

• دۇنيەجۇزى بويىنشا پاتشالىق سارايلارىن سوعۋ ٸسى نەنىڭ ارقاسىندا مۇمكىن بولىپ وتىر؟‏