Tɔ lɛ e Tomiala Ka kaa mɛɛ wɔ̃ lɛ e a zɔ̃ɔ̃ kɔa lɛɛ? Laa zɔ̃ɔ̃ kelɛ Baabo yi wɔ̃ lɛ o a zɔ̃ɔ̃ yia gbɛ̃ɛ̃ lɛ Wala la Tomialaa mɔ​—ye lɛ e kɛ wɔ̃ lɛ Zizɛ e kɛa geepiaa wũlawe kaa.​—Luu 8:1.

O lɛ lɛ ko gbini Zihova lɛɛ yia ka. A lɛ mɔ lɛ mia o o kie gɛ̃ yi kɛɛ o tĩa loo wɔ̃ laũ yie lɛ a gbɛ̃ɛ̃ lɛ Wala la Tomiala mɔɔ ka pɛlɛzeia. (Mafiu 24:14) Tomiala Ka nia, dɔ kɔ lɛ gbɛɛgbɛɛ, kɛɛ o seĩ o nɔ doo, oó a do nɔɔfe dɔ ɛ̃ɛ̃ kɛ o a mɛ si la gbuozɛ. Tomiala Kaa do wia, nukiela bunuzɛ lɛɛ lo yi. Kɛɛ zaale zɛ lɛ aa diea piea, kɔaa Tomiala Ka ni lɛ o diee lɛ waa bunuzɛ yia dɔ (a yi lɛ e kelɛ lɛkpɛi doo yia, koo Tomiala Ka sɔɔli dɔ). Koo kɛ kili ɓii nukielaa la lɛ kpɔpiaa wɛ̃ĩ. Zi kpɛɛ lɛ e bɛia mɔ e kɛa?​—Mafiu 19:26.

Oo o dɔ pɛ lɛ mia o ɓo o kɔle waa nɔɔ ka. Kɔda e kilia, oo vɔ Bɛtɛ kɛɛ pɛlee e kɛɓe. Ye aa kɛɛ oo lɛ nɔɔfe lɛ laa mɔ o Tomiala Ka dɔ yi ɛ̃ɛ̃ o a dɔɔzɛ nia pɛkɛɛ oo a yɛɓo kɛa ka.

Mia o Tomiala Ka nia dɔɔ, oó a dɔ pɛlee wɛ̃ĩ. Sɛlɛ bunuzɛ yia, mia kpo do o yi Tomiala Kaa dɔɔ wɛ̃ĩ. Mia kpo lɛ o ka dɔɔ wɛ̃ĩa wa mia lɛ o o die nɔɔ, oo lo nukiela ni lɛ o sɛlɛ lɛ waa yia lɛ mɔ. E kɛ bɛ̃ɛ̃ lɛ gbekeni mɔ kaa, oo lo yi waa gbumɔ nɔ nukiela ni lɛ o yia lɛɛ kɛɛ o wa Tomiala Ka nia dɔ. Sɛlɛ do yia, Kela vɔ lɛ bɛi lɛ o mɔɔ, waà o si kɛɛ o lɛgɛ̃ Tomiala Kaa dɔ yɛɓo ɛ̃ɛ̃ a ye lɛ a dɔɔ lɛɛ pɛkɛ yɛɓo la sɛlɛ o o vɔa yia yi. Ye bɛ̃ɛ̃ lɛ mia lɛ ò yɛ̀lɛ dɔɔ bunuzɛ o go sɛlɛɛ yi waa o die nɔ kaa dɔ yɛɓo wɛ̃ĩa, mia lɛ gbuo pia ye o yɛɓoa kɛɛ oo go nukiela e kilia yi. Zihova la gɛɛ e daá la mia ni wa wɔ̃ kɛ fãawaa ka baa laa kɛ yɛɓoa aa lo e lie.​—Sãã 127:1, NW; Kɔlɔsĩa 3:23.

• Mɛɛ ko mɔɔ lɛ ko gbini Wala lɛɛ yia si Tomiala Ka?

• Mɛɛ a kɛ lɛ bɛi lɛ ko mɔ ko Tomiala Ka ni dɔ kpoula lɛ seĩ mɔ?