Ménda tchou’té, ée méjʉ’ mié mé zi’i Biible mbwo pʉa wo, mbing ngôôn no na Léfouô Ssé: a laa two chouŋo Yéeso fʉ’é a lôôn chouŋo no Ssé.—Loukasé 8:1.

Ée méjʉ’ mié mé naa gou’té yé nénʉ wo. Yèe tchou’té wôô tangté fa’ lôg ntsui nkʉ mboŋo no Léfouô Ssé pô tsaa nda tchou’té. (Matio 24:14) Ménda tchou’té té ta’a mmo jʉ’ ntsém wô, mbing té fang po ta’ nti wô. Ta’, ntsém ntsém pouou nkou’ nkou’. A gʉa tsô fʉ’, métchou’té ta ngiôôn kouou tsèe ta’ nda tchou’té. A kaa na méngou’ mié é ka gniée ntôgô, pég kouè ménda tchou’té tée wô métoosé légʉm ta ngiôôn (mboo méntʉa na ta’a lièe’), nti pa’ pachouŋo no Ssé né nkui’i ngiôôn. Pég gʉo lékô ta nkou’ou lé kouè ménda pou’ou?—Matio 19:26.

Mé lôg nkab yié ée foo pô tsèe ta’ kèsé mbou nkouè. Mé pou ntchou’té yèe mmo poŋo ntʉm ntoum naa Bétèl. A tchʉa pou’ou, fʉ’ yié mé né fa’a lé pouoon ta’ nda tchou’té suié ka ntangté yié é zuing wôô, Bétèl tchʉ’ ntoum ntoum.

Mégaŋa fa’ pié mé té pée foo nzôô nzôô ta nto mbouoon. Aa tsaa méla’ ta ngiôôn, mé tʉôg mékwo pakouè ménda tchou’té. Pa waa nkouè ménda tchou’té paa pakouè té tsuié fʉ’ maga ta’ nda tchou’té, ngʉa na yétsôô. Po gʉa mboo tsèe mémbʉa la’, nkuiété Pakuié Ntang Jéova pié ée jʉ’o lé kouè nda tchou’té yab. Aa tsô méjʉ’, mé tsô’ tso nta’ Pakuié Ntang pié é zsé no na fa’, ntoumo wab tsèe tsô paga la’, lé tsiéen fa’ lôg mbouoon ménda tchou’té mé suié, ka ntangté mié é zuiing wôô. Mboo pa’ tso Pakuié Ntang pié é zsé lé kouè ménda kuiété lé koua nda tchou’té la, pétsô Pakuié Ntang Jéova pé yèe jʉ’ zoo gouôgô fa’ yé lʉo. Azuigé Jéova po nzuing métʉ mié la’ yé pou né sa’a, zoo gʉo ta mé kou’ou lé gouôg môôn mémaa méfa’.—Zôbô ntsé 127:1; Kolosia 3:23.

• Pég pouoon ménda tchou’té még nti kô?

• Akô kuiété wég lé kou’ou lé pouoon ménda tchou’té tsèe ngoung ntsém?