Lugares maypi tantanacuycu Huasi tantacunasmanta Jehóvap testigusninmanta huajyaycu. Chaypi Yáyap Reinunmanta aprendeycu, imaina Jishu yachachera áicap predicara (Lucas 8:1).

Lugares maypi Yayát adoraycu. Chaymanta organisacuncu alli noticiasta predicáypaj (Mateo 24:14). Túcuy Huasis tantacunasmanta mana quiquin cancu, huaquin atuchas cancu y sujcunas utulas, túcuy sencillitus cancu; ashca huasispi tantacunasmanta astaan suj congregaciunes tantanacuncu. Cá huasa huataspi ancha ashca Huasista tantacunasmanta ʼruaraycu, pishcka (5) sapa punchau, chayna congregaciunes apiyta atincu maypi tantanacuyta (Mateo 19:26). ¿Imaina lograraycu?

’Ruacun ckoshckean ima donacun. Túcuy ima donancu sucursalman cachancu, cá ckoshcke disponible tían congregaciunéspaj ima precisancu suj mósoj huasi tantacunasmanta ’ruáypaj o na apisckancuta allicháypaj.

Suj grupu huauckes y panas túcuy lausmanta llamcancu ni imapasta cobras. Ashca paisespi tían Suj Grupu Huauckesmanta y Panasmanta ima Llamcancu Huasista Tantacunasmanta ’Ruas. Cá grupu voluntariusmanta, suj congregaciunmanta suj congregaciunman ’rincu, chá paisllapi, lausmanpas ancha carusman, yanapáypaj Huasis tantacunasmanta ’ruáypaj. Sujcuna lugarespi ajllacora testigus esperienciáyoj llamcaypi huasista ’ruas o allichas. Ashca huauckes alli llámcaj construcciunpi chá lugarmanta cancu, ashca voluntarius Huasista tantacunasmanta ’ruajcuna congregaciunmanta cancu, ima chaypi tantanácoj ’rincu. Jehóvap espíritun y huauckespa yanapaynincuan ’ruacuyta atera (Salmo 127:1; Colosenses 3:23).

• ¿Imajchu Huasis tantacunasmanta huajyaycu maypi tantanacuycu?

• ¿Imaina ’ruacuyta atin túcuy mundupi Huasis tantacunasmanta?