Andro khera, kaj pes zdžas, hlavňe študinas e Biblija a sikavas pes, sar te zvestinel e lačhi sprava avka, sar ada kerelas o Ježiš. (Lukáš 8:1)

Služinas džide Devleske. Andre ala khera pes pripravinas pre zvestovaťeľsko služba a paľis odarig džas te zvestinel e lačhi sprava. (Matúš 24:14) Ala khera nane rovnaka. Hine bare abo cikne, ale savore hine jednoducha a na dičhon avri sar o khangera. Andro jekh kher, šaj pes zdžan the buter zbori. Andre posledno doba, le Jehovaskere svedki budinde but ťisica ajse khera (asi 5 khera pro ďives) vašoda, hoj furt aven neve džene andro zbori. Sar ada keras? (Matúš 19:26)

Budinen pes le lovendar, so pes sthovel pre adi buťi. Ala dobrovoľna dari pes bičhaven andre pobočka, so paľis ala love del le zborenge, savenge kampel te budinel abo te prikerel ajse khera.

Budinen len jekhetane bare odborňika the ola, so nane sikade avri. Andro but krajini amen hin stavebna skupini, so budinen o khera, kaj pes zdžan le Jehovaskere svedki. Andre ala skupini čiže timi hin stala stavebna služobňika the dočasna dobrovoľňika, so džan andal jekh zboros andre aver, the te ada hin pre aver sera la krajinake, kaj ode te pomožinen le phralenge te budinel o kher prekal o zhromažďeňe. Andre aver krajini, hin kidle avri skusena phrala, kaj te dodikhen a te pomožinen savora buťaha, so kampel. Ala khera na budinen ča skusena odborňika, ale the savore phrala andal o zboros rado ode pomožinen. Le Jehovaskere duchoha the amara zoraha kamas te kerel savoro, so ča pes del. (Žalm 127:1; Kolosanom 3:23)

• Sar oda, hoj šaj budinas pal calo svetos o khera, kaj pes zdžan le Jehovaskere svedki?