Trano natao hianara Baiboly Efitrano Fanjakà Ndranahary zao. Ianara ao ty mikasiky Fanjakà Ndranahary satria io ro foto-kevitsy nandesy Jesosy lafa nitory ie.—Lioka 8:1.

Foibe ty fivavaha marina amy faritsy misy azy eo ty Efitrano Fanjakà. Amy Efitrano Fanjakà any ro andamina ty Vavolombelo Jehovah ty asa fitoria amy faritsy misy azy. (Matio 24:14) Tsy be filirony Efitrano reny ndre samby mana ty habevatany noho ty poziny aza. Mety misy fiangona maromaro mampiasa Efitrano raiky. An’aliny ty Efitrano Fanjakà fa naory, tao maro lasa zay (sahala hoe Efitrano limy sanandro ro vita). Natao raha zay satria mitombo ty fiangona noho ty mpitory. Manao akory ty nahavità raha zay?—Matio 19:26.

Drala natao fanomeza rey ro ampiasa hanamboara Efitrano. Alefa amy birao ty sampana any fanomeza reo, bakeo ampiasa hanamboara na hikarakara Efitrano Fanjakà hafa.

Olo samby hafa, miasa amy ty sitrapony fa tsy karamà ro miasa Efitrano reny. Misy Ekipa Mpanamboatsy Efitrano Fanjakà amy tany maro. Mifindrafindra fiangona amy faritsy sankarazany ekipa reo, soa hitariky ty fanamboara Efitrano Fanjakà. Atoron-drozy amy mpanao asa an-tsitrapo koa ty raha mila atao amy asa io. Manampy ty fiangona rozy mba hamboatsy Efitrano Fanjakà. Misy rahalahy mahay noho fa zatsy manara-maso ty fanamboara noho fanavaoza efitrano amy tany vitsivitsy. Ty olo iaby amy fiangona iny eo ro manao ty asa, ndre misy Vavolombelo fa mahay manampy an-tsitrapo. Amy ty fon-drozy vatany ty anaovan-drozy asa io, sady manampy ty fanahy masy Jehovah, ka vita avao raha iaby rezay.—Salamo 127:1; Kolosianina 3:23.

• Manino ro kaihy hoe Efitrano Fanjakà Ndranahary ty trano fivavahanay?

• Fomba akory ro ahavità manamboatsy Efitrano Fanjakà Ndranahary amy tany iaby toy?