Бизиң йыгнак душушыкларыны гечирйән ерлеримизе Патышалык залы дийилйәр. Себәби биз ол ерде Мукаддес Язгыларың эсасы таглыматы, ягны Худайың Патышалыгы барада гүррүң эдйәрис. Иса-да Патышалык барада вагыз эдйәрди (Лука 8:1).

Хак Худая сежде этмек үчин гуруляр. Биз Патышалык залларында хош хабары вагыз этмеги өвренйәрис (Матта 24:14). Залларың улулыгы ве гөрнүши дүрли-дүрли болса-да, олар ченденаша улы хем-де кашаң гурулмаяр. Патышалык залларының хер биринде бирнәче йыгнак душушыкларыны гечирйәрлер. Вагызчыларың ве йыгнакларың көпелйәндиги себәпли, соңкы йылларда 10 мүңлерче (хер гүнде ортача 5 саны) тәзе Патышалык заллары гурулды. Бизе шейле көп заллары гурмак нәдип башартды? (Матта 19:26).

Мейлетин совгатларың хасабына гуруляр. Бу совгатлар филиала уградыляр. Соңра шол пуллары башга йыгнаклар Патышалык залыны гурмак я-да онда беҗериш ишлерини гечирмек үчин уланып билйәрлер.

Дүрли кәрдәки мейлетин гуллукчылар мугтуна гурярлар. Көп юртларда Патышалык залларының гурлушык топарлары дөредилйәр. Бу топарларда долы вагтлы гурлушыкчылар ве вагтлайын мейлетин көмекчилер гуллук эдйәрлер. Олар башга юртдакы, хатда чет ерлердәки йыгнакларың гурлушык ишлерине көмек этмек үчин гөчйәрлер. Шейле-де кәбир юртларда Патышалык залларының гурлушыгына ве абатлайыш ишлерине гөзегчилик этмек үчин укыплы доганлар белленилйәр. Патышалык залының гурлушыгына ерли йыгнагың агзалары-да мейлетин көмек эдйәрлер. Ехованың мукаддес рухуның ве доган-уяларың эдйән тагаллаларының көмеги билен, бу ишлериң әхлиси үстүнликли амала ашырыляр (Зебур 127:1; Колоселилер 3:23).

• Бизиң Худая сежде эдйән ерлеримизе нәме үчин Патышалык заллары дийилйәр?

• Бизе бүтин дүнйәде Патышалык залларыны гурмага нәме көмек эдйәр?