25 КИЧЭЭЛ
Хурал залдарын чүү дээш база канчаар тудуп турарыл?
Иегованың Херечилериниң Хурал залдарында сайгарып турар кол темазы — Бурганның Чагыргазы-дыр. Ол — Христостуң суртаалдап турган медээзиниң кол темазы болгаш Библияның үндезин өөредии-дир (Лука 8:1).
Алыс шын чүдүлге төптери. Хурал залдарында суртаал ажылын организастап турар (Матфей 24:14). Ол залдар хемчээли болгаш хевириниң аяны-биле ылгалып турар-даа болза, бөдүүн кылдыр көстүр. Чаңгыс залды аңгы-аңгы чыыштар ажыглап турары ховар эвес. Чыыштарже кээп турар улустуң саны үргүлчү өзүп турар болганда, сөөлгү чылдарда он-он муң чаа Хурал залдарын туткан бис. Ол дээрге ортумаа-биле бир хүнде-ле беш зал туттунуп турган. Ону канчап кылып шыдаан бис? (Матфей 19:26).
Ниити фондудан өргүлдер-биле туттунуп турар. Чыыштар Хурал залдарын тударынга болгаш эде кылырынга хереглээр акшаны ап болур кылдыр, салган өргүлдер салбырже чоруп турар.
Ниитилелдиң аңгы-аңгы кезектеринден тургустунган эки турачылар шалың албайн, ажылдап турар. Хөй-хөй чурттарда Хурал залдарын тудар бөлүктер тургустунган. Доктаамал болгаш түр када ажылдап турар тудугжулардан тургустунган бригадалар чуртунуң иштинде чыыштан чыышче, ха-дуңмага Хурал залдарын тударынга дузалажыр дээш, көжүп чоруп турар. А өске чурттарда Хурал залдарын тударын болгаш септээрин удуртур кылдыр, ол регионда тудуг талазы-биле дуржулгалыг Херечилерни томуйлаар. Чогум тудугга өскээртен келген дуржулгалыг тудугжулар киржип турар-даа болза, ажылдың кол кезиин тус черниң хуралы кылып турар. Хурал залдарының туттунуп турары — ёзулуг кайгамчык чүүл-дүр! Ол Иегованың сүлдезиниң болгаш Ооң кызымаккай бараалгакчыларының ачызында болдунуп турар (Ырлар 126:1; Колосчуларга 3:23).
-
Иегованың Херечилериниң Хурал залдарында кандыг кол теманы сайгарып турарыл?
-
Бүгү делегейде Хурал залдарын тудары чүнүң ачызында болдунуп турарыл?