A be pou ve tso dôlô Si ne goung Mdye Nefo Mkwithè Jéova. Poʼo, ne ghe ge a pe a dôlô, be pepoung neng be a te bya, be bi pye be kwaʼ ywe mkhouʼ téʼ neng be taʼ jeng tuôdeng ne ghamte ye pye ha bi Si a. Bawele fing ne faʼ ye.

Pye de pountum ne sôk tsu tchwe ye taʼ tchouʼte mi a. Tchwe ye baya tchouʼte le mi a, Mkwithè de pountum naʼ sôk tsuʼ. Taʼ tchum ne gapdzu, pou thela ne tchente sôk goung Dye Nefo awè. Taʼ getso ke taʼ gè faʼ kwite le ye é jye mfaʼ mye pou gô ghe a, dé ge faʼ tchyete pepoung. Tchwe ye pou we tcheng a, she pô fing ne le pountum khum sidye, sôk tsuʼ, thé vôp, nyapte mkwôʼ, sôk mkapinè, sôk mkyèʼ, tchya potse walé, ke dé nwe ne gingne dye le. Be a daʼ taʼ tchum ne gouʼ, pou de taʼ tyèʼ ne tchente sôk kwaʼ goung mpap tsuʼ Dye Nefo awè. Tchwe ye pye gre ge po pôk faʼ yap a, pye ne dagne wap ne ning deng ne môk mtsuʼ ne gamte Si.​—Ecclésiaste 5:1.

Pye nyapte tse tsye a pôpte a. Goung mgouʼ wè, pye dé nwe ne Mdye Nefo môk, tchum o ba m pé. A tchye m poʼo pye pe doʼgne nyapte tse tsye a we bôpte a, ne gre ge Dye Nefo pe a pepoung, neng khô paʼ pou gô sim khap néné a. (2 Chroniques 24:13; 34:10) Taʼ Dye Nefo ye a lô neng be te bya a, be taʼ tsuʼ ye a khouʼgne ne ne gamte Si a. Tchwe ye pye tchu pou ne mfaʼ bô a, pye ne daʼte deng paʼ pye ne koung Jéova, ba yôk tsuʼ ne gamte é a. (Psaume 122:1) A bing ha taʼ kwithè gwye bi pô pye wap djô Dye Nefo a.​—2 Korinto 6:3.

• Nweke a te tcheng ge pe tak ne ning deng ne yôkpe tsuʼ ne gamte Si a?

• Pye gre la te Mdye Nefo môk pe a pepoung?