Ala tɔgɔ senuma sɛbɛnnen bɛ Jehova Seerew ka Masaya Sow bɛɛ kan. U jɛlen ka to, u ye cogo ka ɲɛ, o ye koba ye an bolo ani o kɛli nafa ka bon an ka bato kɔnɔna na. An bɛɛ bɛ se ka an nin don o la.

An bɛ se k’a bɔ an yɛrɛ la ka yɔrɔ jɛya lajɛ kɔfɛ. Lajɛ kelen o kelen kɔfɛ, Jehova Seerew b’a bɔ u yɛrɛ la ka Masaya So jɛya dɔɔnin. Siɲɛ kelen dɔgɔkun kɔnɔ, u bɛ saniyaliba kɛ. O baara bɛ di diinɛ maakɔrɔ ma walima cidenyabaara maganna dɔ ma, o baara bɛ kɛ tuma caman ka kɛɲɛ ni sɛbɛn ye baarakɛcogo bɛ min kɔnɔ. Ka kɛɲɛ ni u mago bɛ min na, dɔw b’a bɔ u yɛrɛ la ka yɔrɔ furan, ka nɔgɔ sama ni machini ye, ka jɔsili kɛ, ka sigiyɔrɔw labɛn, ka ɲɛgɛnw ko ani dungare ni vitiriw, ka taa ɲaman bon ani ka kɛnɛmana furan. San kɔnɔ siɲɛ kelen, don kelen yɔrɔ saniyaliba bɛ kɛ. An kɛtɔ ka an denw sen don o la, an bɛ u dege ka an ka bato kɛyɔrɔw bonya.—Waajulikɛla 4:17.

An kɛtɔ ka yɔrɔ tiɲɛnen dilan. San o san, Masaya so kɔnɔna ni a kɛnɛmana bɛ jateminɛ. Ni o kɛra, labɛnni baara bɛ kɛ tuma bɛɛ walasa yɔrɔ ɲuman lama ka to, o min bɛ waribɔ fu bali. (2 Tilew Kibaru 24:13; 34:10) Masaya So jɛlen ani a ɲuman lama ka to, o ye yɔrɔ ye Ala ka kan ka bato yɔrɔ min na. An kɛtɔ ka an nin don nin baara ninnu na, an b’a jira ko an bɛ Jehova fɛ ka se fo yɔrɔ min, o ni an ka bato kɛyɔrɔ. (Zaburu 122:1) O bɛ seereya ɲuman fana di sigiɲɔgɔnw ma.—2 Kɔrɛntekaw 6:3.

• Mun na an man kan ka an ka bato kɛyɔrɔ to ten?

• An b’an mago don an ka Masaya So la cogo di?