Meba m’Éjôé Bengaa me be’e éyôlé Zambe. Ajô te bia ve ngul ése na menda mete me tabe mfuban a abeñ. Môt ase a ne bo ésaé te amu é tii a ékaña’a bia ve Zambe.

Bia bo mfubane nane ésulane ja man. Bia vos Aba Éjôé éyoñ ésulan é maneya. Sondô ase, bia bo ngule mfuban. Mvendé nge diakon a wulu ésaé te. Bia vose si a nseñ, bia sôbe bito, biduk, bevundu. Bongô fe ba saé. Nalé ate a ye’ele be na be semé Aba Éjôé.​—Ecclesiaste 5:1.

Bia kôme biôme bi ndamaneya. Mbu ôse, bia fombô nge jôm éziñe ja yiane kômeban été nge atan. Nalé a volô na te bia ndamane moné. (2 Minkañete 24:13; 34:10) Éyoñ Aba Éjôé é ne mfuban a abeñ, bia kañe Zambe été a mevak. Nde éyoñe bia bese bia futi mo ésaé éte, bia liti na, bia nye’e Yéhôva a na, vôme bia kañe nye a ne bia mfi. (Besam 122:1) Nalé a volô na bôte ba fombô bia be bi mbamba ôsimesane mfa’a wongan.​—2 Becorinthien 6:3.

• Amu jé bia yiane semé Aba Éjôé dangan?

• Aval avé bia ba’ale Meba m’Éjôé mangane mfuban?