Lén Nsi se nelàne be nekide num njoñ Ndà ntseʼde Nufen Ghakwénta Yaweh Nsi fa là. Ndùlala, a be bag à nkuʼni netshùb dùʼ nelàne, ngù a bwô neyene, mbèn nabte njoñ tshu fa a zine. A bʼa ju ndùb ntùm yag ghamde nelàne. Mba we lo kuʼni neyab bu bwe.

Fà wut num nesôg dùʼ ngelañ ntseʼde mi là. Mba zit ntseʼde lo num mii, fètfèt yab bu bo tsiañde num nebéʼde mbèn ntshwétte Ndà ntseʼde Nufen. Taʼ yoñ ntùm ngabnjù, bo num nsôg njoñ dùʼ fa a làn kuaʼ mebwô. Taʼ ngakwé mbwe, ke taʼ nkwébu i lo num ntshagde faʼ, nke mbét taʼ feki bo tùnde tshu neghù là bwe. Dùʼ faʼ be là, fètfèt num mfà wut num nebéʼde, mba nesôg tètndà, netshwétte mbàbe, netsiagde ndiañ, nesôg feʼntse mbèn maʼ fu nezwide ñuʼ, nesôg ntôdà boa yendese, neghuaʼ nenà, mbèn nabte nshundà a làne. Mba ndaʼ taʼ yoñ ntùm nguʼ, bo num ndoʼ taʼ léʼnjù num neyab njoñ tshu fa nelàne. Mba bônkeʼ be ndoʼ bag num sen faʼ là là, a num njwimde yub neke mfà nkuʼni tse ben dùʼ ghamde.​—Nzenu 5:1.

Fà wut mba num zit faʼ lo a te nsi là. Njoñ nguʼ fa, bo num ntshaʼ njoñ Ndà ntseʼde Nufen fa, shundà mba ntùm ndà. Njéʼde num yen netshaʼ là, bo num maʼ mfiʼ num netshùb dùʼ mebwô, yennà ghù bo ke bagde nkàb bànbàn. (2 Kronika 24:13; 34:10) Taʼ Ndà ntseʼde Nufen zʼa làn mbèn mbe mebwô là, kuʼni nebe dùʼ neghamde zebe Nsi. Neloʼ bag num men mfaʼ là be ndaʼde dùʼ be te Yaweh Nsi bo dùʼ ghamdʼé ntù ben nà. (Yobkwi 122:1) Yennà num mfà mbwô mbaʼ kuan njoñ benntùn fa mbañ ben.​—2 Korintô 6:3.

• Numke a ke bwô netshùb zeben dùʼ ghamde fi mbu à?

• Tsit mfiʼ bo loʼ netshùb Ndà ntseʼde Nufen nelàn à?