JOKWA 26
Ne̱ni di mombweano̱ bosangi ba Ndabo asu ńa Janea e?
Estonia
Simbabwe
Mongolia
Puerto Riko
Dina la bosangi la Loba di tilabe̱ o Ndabo a Janea ye̱se̱. Kombe̱ la ma mandabo o bosangi na o bete̱medi ba bwam, le nde biso̱ edube ende̱ne̱ na dongo diwo̱ la jowe̱ le mweńa. Moto te̱ e ná a we̱le̱ dia.
Di be̱ be̱be̱ o we̱le̱ bosangi ombusa ndongame̱n. Ombusa ndongame̱n Mboṅ a Yehova te̱ ńe muńe̱nge̱ o sue̱le̱ ebol’a bosangi. Ngedi po̱ ońola woki, di mawe̱le̱ bosangi o bepolo be̱se̱. Mutudu mō̱ to̱ muboledi, a madie̱le̱ ebol’a bosangi tongwea na dipapa di malangwe̱ bebolo bangame̱ne̱ o bolabe̱. Bupisane̱ ebolo, bō̱ be be̱be̱ o papa, joa, sumwa dibudu o bejedi, we̱le̱ bosangi o ndabo a mbusa, koma dibunje to̱so̱ pawa ngusungus’a bewudu o mbusa ko̱to̱. Ngedi po̱ oteten a mbu, di te̱se̱ buńa bō̱ ońola bosangi ba matongo na bepolo be̱se̱ o Ndabo a Janea. Di mongwane̱ bana basu o bola bepolo basu ba jowe̱ edube yete̱na di boli ná babo̱ pe̱ ba sue̱le̱ bosangi ba Ndabo a Janea.—Mulangwedi 5:1.
Di be̱ be̱be̱ o we̱le̱ dia o po̱ngulane̱ to̱ nje e ńam. Mbu te̱, di monbwea teten, n’eboko a Ndabo a Janea ná pe̱ńe̱pe̱ńe̱. Tongwea na nika nde ebol’a bosangi e mabolabe̱no̱ ponda te̱ ná, Ndabo a Janea e be̱ bosangi ńai ńena di si mábusise̱no̱ pe̱ mo̱ni tete. (2 Myango 24:13;34:10) Ndabo a Janea ńe bosangi ńe nde epolo e mabole̱ jowe̱ la Loba edube. Tongwea na no̱ngo̱ dongo o y’ebol’a bosangi di malee̱le̱ nate̱na njika dime̱ne̱ di to̱ndino̱ Yehova na wum’asu ya jowe̱. (Myenge 122:1) Nika pe̱ e mabola ná bato bape̱pe̱ ba to̱pe bwam ońola Ndabo asu ńa Janea.—2 Korinto 6:3.
-
Ońola nje jangame̱ne̱no̱ o jombwea Ndabo asu ńa Janea e?
-
Nje di mabolano̱ ná Ndabo asu ńa Janea e be̱ bosangi e?