Kala Fottirde Seedeeɓe Yahuwah ɓen no inniraa innde Allah nden. Ko fii ɗun, dankagol Fottirde amen nden, laɓɓina e watta kala ko boni, ko fii teddingol nokkuure ka men rewata Allah ɗon. Fow no waawi taweede.

Men laɓɓinay si men gaynii pottital ngal. Pottital kala si lannii, musiɓɓe worɓe e rewɓe fow wakkiloto men fitta, men loota, men laɓɓina Fottirde nden. Men suɓoto ɲalaade e nder yontere nden, men laɓɓina nder e ɓaawo. Ardotooɗo maa walitotooɗo hikkoto yeeso ɗee golle, o winnda ko ɓe haani waɗude kon. Si tawii no tuuni moƴƴa, men wakkiloto fittugol, woɓɓe mowla julle ɗen, baafe ɗen e fineeteriiji ɗin. Woɓɓe kadi nokkay ɲooge, ɓe hibboya. Moftal ngal fewjoday, men ndaara ɲalaande fii fow yo aru, men laɓɓina ton. Si en ekkintinii fayɓe men ɓen waɗugol ɗee golle, ɓe teddinay nokkuure ka Allah rewetee ɗon. — Waajotooɗo on 5:1, TMN.

Men wallitoto fii moƴƴintingol. Hitaande kala, ndartal waɗete moƴƴa nder e ɓaawo Fottirde nden. Ko e nder ɗun, men ndaarata piiji bonɗi ɗin, men moƴƴintina. Ɗun wallay men hara men ittaali kaalisi meere (2 Fillande taarika 24:13 ; 34:10, TMN). Fottirde nden no haani laaɓude ɓayri ko nokkuure ka Allah rewete. Wakkilaare fii laɓɓingol Fottirde amen nden, no holli meɗen yiɗi Yahuwah e nokkuure ka men rewata mo ɗon (Zabuura 122:1, TMN). Ɗun hollay kawtal ngal kadi honno men woniri. — 2 Korenti 6:3.

• Fii honɗun haanuɗen laɓɓinde ka reweten Allah ɗon ?

• Ko honno men dankortoo Fottirde amen nden ?